Өсімдік шаруашылығындағы міндетті сақтандыруға қолдау көрсетуге бөлінген бюджет қаражатын басқару жөніндегі агент функциялары "Казагромаркетинг" АҚ-нан "ҚазАгроКепіл" АҚ ауысты
ҚазАгроКепіл өсімдік шаруашылығында міндетті сақтандыруға қолдау көрсетуге бөлінген бюджет қаражатын басқару бойынша агент болды.
Астана. 13 қыркүйек. Kazakhstan Today - ҚазАгроКепіл өсімдік шаруашылығында міндетті сақтандыруға қолдау көрсетуге бөлінген бюджет қаражатын басқару бойынша агент болды.
Астық және май дақылдарыныӊ белгілі бір түрлерін және мақта мен қант қызылшасын өсіретін ауыл шаруашылығы өндірушілерініӊ мүліктік мүдделерін қолайсыз табиғи құбылыстардан қорғау мақсатында, 2004 жылы Қазақстанда "Өсімдік шаруашылығында міндетті сақтандыру туралы" заӊы қабылданған болатын.
Заӊға сәйкес жоғарыда аталған дақылдарды отырғызғаннан кейін, фермер оларды сақтандыру компаниясында немесе өзара сақтандыру қоғамында (ӨСҚ) сақтандыруға міндетті. Сақтандыру жағдайы басталғанда, рәсімдер қатарынан кейін сақтандыру компаниясы/ ӨСҚ фермерге толық көлемде шығынды өтейді. Содан кейін осы төлемдеріӊ 50% сақтандыру компаниясы/ӨСҚ бюджет қаражатын басқару бойынша агент арқылы бюджеттік ақшадан төлейді және осылайша өсімдік шаруашылығында міндетті сақтандыруды қолдау көрсетіледі.
2004 жылдан бастап 2012 жылға дейін Агент функцияларын "Ауыл шаруашылығына қаржылық қолдау көрсету қоры" АҚ орындаған болатын, 2012 жылдыӊ шілде айынан бастап осы қызметті "Қазагромаркетинг" АҚ жүзеге асыратын.
2017 жылдыӊ 6 қыркүйегінен бастап құқықтар мен міндеттемелерде тұлғалардыӊ ауысуы туралы Келісім жасасқан болған, оған сәйкес Өсімдік шаруашылығындағы міндетті сақтандыруға қолдау көрсетуге бөлінген бюджет қаражатын басқару жөніндегі агент функциялары "Казагромаркетинг" АҚ-нан "ҚазАгроКепіл" АҚ ауысты.
"ҚазАгроКепіл" АҚ өкілдері осы күннен бастап комиссия құрамына кіреді, олар құрғақшылық, үсіп кету, су тасқыны, аӊызақ, бұршақ, сел, жылудыӊ жетіспеуі, жауын және т.б. сияқты қолайсыз табиғи құбылыстардан егіс жойылуы алаӊын және дәрежесін анықтау үшін шаруалардыӊ егіндерге шығуларды жүзеге асырады.
Фермерлердіӊ ысыраптары егінніӊ толық жойылуында да, ішінара ысыраптарында да сақтандыру компанияларымен/ӨСҚ өтеледі. Сақтандыру жағдайы басталғанда, енді "ҚазАгроКепіл" АҚ бюджет қаражаты есебіненсақтандыру компанияларына/ӨСҚ сақтандыру төлемдеріне шығындардыӊ 50% жауып тұрады.
Анықтама үшін:
"ҚазАгроКепіл"2003 жылғы 23 маусымда Қазақстан Республикасыныӊ 2003-2005 жылдарға арналған мемлекеттік аграрлық азық-түліктік бағдарламасын іске асыру аясында коммерциялық емес ұйым түрінде құрылған болатын. Компанияныӊ басты мақсаты АӨК субъектілерініӊ міндеттемелерін орындауды сақтандыру және кепілдендіру саласында аграрлық секторды хеджирлеу жүйесін дамыту болып табылады. "ҚазАгроКепіл"АҚ- "ҚазАгро" холдингініӊ еншілес ұйымдарыныӊ біреуі болып табылады және оныӊ тікелей басқаруымен Қазақстанныӊ барлық облыстарыныӊ 14 өкілдіктерінде өз қызметін іске асырады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.