Отандық дәрі-дәрмектер мен медициналық мақсаттағы бұйымдарды сатып алу 2017 жылы 31 млрд. жуық теӊгені құрады
Бірыӊғай дистрибьютер 2017 жылы отандық тауар өндірушілермен (ОТӨ) арадағы ұзақмерзімді келісімшарт бойынша 30,9 млрд.теӊге сомасына дәрілік заттар мен медициналық бұйымдар сатып алды, бұл 2010 жылғы ұқсас көрсеткішпен (4,8 млрд.) салыстырғанда алты есеге көп.
Астана. 1 маусым. Kazakhstan Today - Импортқа тәуелділікті азайту және Қазақстан Республикасыныӊ денсаулық сақтау жүйесініӊ қаржылық тұрақтылығын қамтамасыз ету мақсатында Бірыӊғай дистрибьютер (БД) - СК-Фармация, өз құзыреттілігі шегінде, дәрілік заттар (ДЗ) мен медициналық мақсаттағы бұйымдарды (ММБ) жеткізу жөнінде ұзақ мерзімді келісімшарт жасау және тендерлік рәсімдерде жеӊілдіктер, артықшылықтар беру арқылы осы саладағы отандық өнім өндірушілерге мемлекеттік қолдау көрсетеді.
Бірыӊғай дистрибьютер 2017 жылы отандық тауар өндірушілермен (ОТӨ) арадағы ұзақмерзімді келісімшарт бойынша 30,9 млрд.теӊге сомасына дәрілік заттар мен медициналық бұйымдар сатып алды, бұл 2010 жылғы ұқсас көрсеткішпен (4,8 млрд.) салыстырғанда алты есеге көп.
Бірыӊғай дистрибьютермен ұзақмерзімді келісімшарт жасау отандық тауар өндірушілер үшін инвестициялық тартымдылықты арттырады. 10 жыл мерзімге әрекет ететін келісімшарт инвесторлар мен өндірушілерге өндірілген өнімніӊ өтімділігіне кепілдік береді. Қазіргі уақытта 20 ОТӨ-мен 213 ММБ мен 553 ДЗ сатып алу үшін 30 ұзақ мерзімді шарт жасалды. Сонымен бірге, ұзақмерзімді келісімшарттар жөніндегі жобаларды 2017 жылдан бастап жүзеге асыру кезінде, БД отандық фармацевтикалық өнімдерді сатып алу көлемі 2024 жылға қарай 30 млрд. теӊгеден 68 млрд. теӊгеге дейін артады.
Сондай-ақ, медициналық техника өндіру бойынша отандық өнеркәсіпті дамытуға жәрдемдесу мақсатында, 2015 жылы Бірыӊғай дистрибьютер медициналық техника жеткізу үшін бірқатар ОТӨ-мен ұзақ мерзімді шарттар жасасты (7 жылға): "Аксель и А" ЖШС, "Ақтөберентген" АҚ, "KAZMEDPRIBOR Holding" ЖШС және "ОралМедРегион" ЖШС. Жасалған ұзақ мерзімді шарттар жиынтығы бойынша Бірыӊғай дистрибьютер сатып алуға тиісті медициналық техникалар тізіміне медициналық техниканыӊ 99 атауы кіреді. БД медициналық техникаларды тегін медициналық көмектіӊ кепілдік берілген көлемі және міндетті әлеуметтік медициналық сақтандыру жүйесі аясында, тізім бойынша, тапсырыс берушініӊ алдағы күнтізбелік әр жылға берген тапсырысы негізінде 37 айға кепілдендірілген сервистік қызмет ұсынатын өндіруші компаниядан сатып алады.
ҚР ДСМ ДСД РО баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.