ПАВЛОДАР. 27-қазан. Kazakhstan Today. Павлодар химиялық зауытының басым көпшілігі кәсіби дертке шалдыққан бұрынғы қызметкерлері 30-қазанда мерзімсіз аштық жариялайтындарын мәлім етті ,- деп хабарлайды Kazakhstan Today тілшісі.
Кәсіпорынның бұрынғы қызметкерлерінен құралған бастамашыл топтың жетекшісі Надежда Бойконың айтуынша, шара тікелей зауыт ғимаратында өтеді. "Икімшіліктің алдында аштық жариялауға бізге ешкім рұқсат бермейтіні белгілі. Сол себепті біз денсаулығымыздан айрылған өз зауытымызға барамыз",- деді ол.
Павлодар химиялық зауытының бұрынғы қызметкерлері республика үкіметінен кәсіпорынның мүлік кешенін сатуды жеделдетуді сұрайды. Бұл жұмыстың ұзаққа созылып кетуі салдарынан адамдар бір жарым жылдан астам уақыттан бері денсаулығынан айрылуға байланысты өтемақыны ала алмай жүр. Н.Бойконың айтуынша, "зауыттың бұрынғы қызметкерлерінің басым бөлігі ауыр науқас адамдар және тұрақты емдеуді қажет етеді".
Аса қауіпті сынап электролизі цехтарында істеген 70-тен астам адам аштық жариялауға қатыспақшы. Дәрігерлердің қорытындысына сәйкес, сынаптың ағзада, әсіресе буындарда жиналуынан зауыттың бұрынғы қызметкерлерінің арасында қозғалыс-тірек аппараты, жүрек-қан тамырлары және орталық жүйке жүйесінің ауыр дерт түрлері байқалуда. Н.Бойконың айтуынша, "сынап электролизі цехының анод учаскесінің бұрынғы жұмысшысы Аманжол Жарақбаевтың қазасы адамдардың төзімін тіптен тауысты".
Оның айтуынша, қазір "Павлодар химиялық зауыты" АҚ-ның кәсіби дертке шалдыққандардың тізімінде 74 адам бар. Кәсіби дертке шалдыққандарға денсаулығынан айрылуға байланысты өтемақы төлеу 2005-жылдың шілде айында тоқтатылған. "Банкрот деп жариялау процедурасын өткізу және зауыт активтерін жаңа қожайынға табыс ету тәртіптеріне сәйкес, бірінші кезектегі кредиторларға 70 жасқа дейін жәрдемақы төленуге тиіс",- деді Н.Бойко. Нәтижесінде зауыттың адамдарға төлеуге тиіс берешегі 119 млн. теңгеге жеткен.
"Павлодар химиялық зауыты" АҚ-ның конкурстық басқарушысы Вильгельм Франц мырзаның айтуынша, зауыттың мүлік кешенін сататын жаңа мерзім әзірге жарияланған жоқ. "Мәселенің түп-тамыры мынада: үкімет қаулысының мәтініне орындауға келмейтін нәрсе қамтылып кеткен,- деді ол. - Болашақ қожайын бес валентті күкіртті фосформен жұмыс істеуге лицензиясы болуға тиіс деген талап бар. Ал Павлодар химиялық зауыты үшін бес валентті күкіртті фосфор өндірісі басымдыққа жатпайды",- деді ол. В.Францтың айтуынша, сауда-саттықтың жүргізілмеуіне бұрынғы химиялық зауытты қалпына келтіру жөнінде бағдарлама әкелген компаниялардың арасынан "Реагент-Восток" ЖШС ғана қажетті лицензияға ие. Конкурстық басқарма тіпті қазан айының басында үкіметке Павлодар химиялық зауытының мүлік кешенін сату тәртіптерін қайта қарау қажеттігі жөнінде өтініш жолдаған, дейді В.Франц.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Павлодар химиялық зауытының бұрынғы қызметкерлері мерзімсіз аштық жариялайтындарын хабарлады
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.