ПАВЛОДАР. 5-қазан. Kazakhstan Today. Биыл Павлодар облысында картоптың жалпы түсімі өңір сұранысынан 6 есе артып, 190 мың тоннаны құрады. Бұл туралы Kazakhstan Today тілшісіне облыстық ауылшаруашылығы департаментінің директоры Нұржан Ишімбетов хабарлады.
Оның айтуына қарағанда, биылғы көктемде өңірде 10,9 мың гектарға картоп егілген. Орташа түсім бір гектардан 168 центнерді құрады.
Оның айтуынша, өңірдегі картопқа деген сұраныс жылына 31-32 мың тоннаны құрайды. "Жаңа түсімнің басым бөлігін Астана, Атырау, Ақтау және Қарағанды нарығына жіберу көзделген",- деді ақпарат өзі.
Картоп өсіру Павлодар облысындағы ең тиімді өсімдік шаруашылығы саласына жатады. Сол себепті осы түрді дамытуға Павлодарда басымдық бірелген. Осы көктемде ауылшаруашылығын дамыту жөніндегі облыстық бағдарламаға сәйкес көкөніс өсірушілер жергілікті бюджеттен ауқымды субсидиялар алған. Ауылшаруашылығы құрылымдарына тек суару жұмыстарына 45 млн. теңгеден астам қаржы бөлінді. ""Мемлекет көкөніс өсірушілерге жанар-жағармай сатып алуға да 1 гектарына тұрақты 2409 теңгеден жеңілдік жасады, минералды тыңайтқыштар мен гербицидтер сатып алуға да қолдау көрсетті",- деді департамент директоры.
Оның айтуынша, шаруаларға көкөністерді қысқа қамдауға облыстық бюджеттен 90 млн. теңге көлемінде жеңілдетілген несие бөлінді. Жалпы алғанда осы күзде арнаулы көкөніс қоймалары мен жеке меншік қоймаларға 42 мың тонна картоп сақталады.
Қазір облыста кеш пісетін көкөністерді жинау жалғасуда. Кешегі жағдаймен Павлодар облысында 54 мың тонна қырыққабат, сәбіз, қызылша және басқа да көкөністер жиналды. Ең жоғары түсім облыстың Павлодар ауданында тіркелді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Павлодар облысында картоп түсімі өңір сұранысынан 6 есе артып, 190 мың тоннаны құрады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.