Павлодар облысының әкімі Павлодар қаласының бас жоспарын қайта қарауды тапсырды
Аймақ басшысы Қанат Бозымбаев Павлодар қаласының бас жоспары негізінде жаңа құрылыс алаңқайлары жобаларын талқылау жөнінде жұмыс мәжілісін өткізді.
Алматы. 3 ақпан. Kazakhstan today. Аймақ басшысы Қанат Бозымбаев Павлодар қаласының бас жоспары негізінде жаңа құрылыс алаңқайлары жобаларын талқылау жөнінде жұмыс мәжілісін өткізді.
"Таныстырылған жобалардың ішінен су, жылу, кәріз бен электр қуаты қоры жеткілікті және қосымша бюджет шығынын талап етпейтін үлкен құрылыс алаңқайын таңдау керек. Илеуметтік нысандары мен сапалы инфрақұрылымы бар алаңқайға жаңа тұрғын үй кешендерін салуымыз керек. Қаланың әр жерінде түрлі кешендер құрылысын жүргізбей, белгілі бір ауданда немесе шағын ауданда балабақшалары, емханалары мен қажетті әлеуметтік нысандарын да салумен жүйелі құрылыс жұмыстарын бастайтын боламызБіз жаңа құрылыс алаңқайы туралы жобаны қабылдап, ортақ шешім шығаратын боламыз", - деп атап өтті Қ.Бозымбаев.
Жұмыс мәжілісінде "Спорт сити Павлодар" құрылысы тоқтатылатыны туралы мәлім болды. Бұл жобаның құрылыс алаңына тиісті инфрақұрылым тартылмаған екен.
Аймақ басшысы қала әкіміне осы аудан төңірегіндегі құрылыс жұмысының нақты алгоритмін, кестесін, жаңа тұрғын үйлер құрылысын аяқтау мерзімін нақтылап, жаңа үйлерге қоныстанушыларға дұрыс түсіндіру қажеттілігін де айтты.
Сондай-ақ, отырыста облыстың құрылыс басқармасына типтік тұрғын үйлер жобасын әзірлеу тапсырмасы берілді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.