Павлодарда жылына 100 мың тонна өнім өндіре алатын құбыр зауыты іске қосылды
Павлодарда жылына 100 мың тонна өнім өндіре алатын құбыр зауыты іске қосылды
Алматы. 14 шілде. "Қазақстан Бүгін" - Павлодарда жылына 100 мың тонна өнім өндіре алатын "Тік тігісті болат құбыр өндіру" зауыты іске қосылды. "Паритет" зауытының негізгі тұтынушысы - республиканың коммуналдық тұрғын үй шаруашылығы, деп хабарлайды "Қазақстан Бүгін" агенттігі "Хабар" телеарнасына сілтеме жасап.
Телеарнаның хабарлауынша, Зауыт құралын жабдықтау оны жөндеу әрі іске қосу жұмыстары атқарылды. Жаңа зауыт толық сынақтан өтіп, негізгі қызметіне көшті.
Ауқымды кәсіпорын бір ауысымда үш жүз тоннаға жуық су-газ құбырын жасап шығара алады.
Елбасының ел өңірлерімен арадағы телекөпірі барысында атап өткендей, мұндай қуатты зауыт елімізге шетел елден тасымалданатын өнім көлемін біршама қысқартуға бастайды. Жалпыұлттық телекөпір барысында Павлодар екі жаңа инвестициялық жобаның жүзеге асқаны туралы "сүйіншісін" көрсеткен еді. Бірі: мұнай-химия зауытында сутегін өндіретін қондырғы. Жаңа өндірістік нысанды іске қосу ақшыл мұнай өнімдерін күкірт қоспаларынан тереңдетіп тазартуға мүмкіндік бермек.
Ал екіншісі тік тігісті болат құбыр шығару зауыты. Жобаны жүзеге асыру үшін 2,5 млрд теңге жұмсалған. Зауыт республиканың металлургиялық өнімге деген сұранысын қамтамасыз етпек. Шикізатты "Арселор Миттал Теміртау" компаниясы жеткізсе, негізгі тұтынушы - еліміздің коммуналдық тұрғын үй шаруашылығы. Қазірдің өзінде кәсіпорын үкіметтің "Жол картасы" жобасын іске асыруда белсенділік танытуда. Зауыт тозығы жетіп тұрған жылу, су, газ құбырлары желісін жаңа құбырмен алмастыра бастайды.
Айта кету керек, жергілікті құбырдың бағасы импортталған өнімнің құнымен салыстырғанда 30 пайызға арзан, бірақ сапасы аспаса, кем түспейді дейді мамандар.
Жаңа жұмыс орнына 120 жұмыскер тартылмақ. Көбісі - жергілікті техникалық колледждер мен жоғары оқу орнының студенттері. Владимир Кононов Ресейден келіпті. Ол қызмет еткен Сібірдегі, ірі Новосібір металлургиялық зауыты қаржы дағдарысына байланысты жұмысын тоқтатқан.
Өндіріс бойынша бас директордың орынбасары Владимир Кононов былай дейді:
"Қосымша жаңа жұмыс орны, шығарылып жатқан өнім - мұның бәрі ең бірінші осі өңірдің әл-ауқатын білдіреді. Мемлекетке де - үлкен олжа - жеке құбыр өндірші зауыты бар".
Отандық нарықтың су-газқұбырына деген сұранысы - жылына млн тоннаны құрайды. Жаңа зауыт 100 мың тонна өнім өндіретін қуатқа ие. Өндірістің келешек жоспары өнімнің түрі мен көлемін өсіру, делінген сюжетте.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.