Петропавл әуежайы жыл соӊына қарай қайта жаӊғыртылады - ИДМ
Қазақстан Республикасыныӊ Инвестициялар және даму министрлігі Азаматтық авиация комитетініӊ төрағасы Б.Сейдахметов Солтүстік Қазақстан облысына жұмыс сапары барысында Петропавл қаласыныӊ әуежайында болып, жөндеу жұмыстарыныӊ барысын тексерді.
Астана. 2 қыркүйек. Kazakhstan Today - Қазақстан Республикасыныӊ Инвестициялар және даму министрлігі Азаматтық авиация комитетініӊ төрағасы Б.Сейдахметов Солтүстік Қазақстан облысына жұмыс сапары барысында Петропавл қаласыныӊ әуежайында болып, жөндеу жұмыстарыныӊ барысын тексерді, деп хабарлады ИДМ.
Сонымен қатар, Солтүстік Қазақстан облысыныӊ әкімі Е.Сұлтановтыӊ қатысуымен бірлескен кеӊес өтіп, онда бас мердігер ұйым басшыларыныӊ есебі тыӊдалды. Айталық, медігерлер жұмысыныӊ жақсы жақтары мен кемшіліктері атап көрсетілді. Жолаушылар терминалын қайта жаӊғырту бойынша бас мердігер жұмыс кестесінен 10 күнге кешігуде. Бұл жобаны іске асыруда уақыттыӊ тығыздығы мен өӊір климатыныӊ ерекшеліктері ескерілген күнніӊ өзінде мұндай жағдайға жол берілмеуі қажет.
Іссапардыӊ қорытындысында құрылыс ұйымдарына 2016 жылдыӊ соӊына дейін іргелес аумақтарды абаттандыру бойынша барлық жұмыстарды аяқтау қажеттілігі, сондай-ақ технологиялық жабдықты дайындау, тасымалдау, монтажын бақылау жұмыстары мен өндірістік сынақтарды жүргізу мерзімдерін ескере отырып, керек материалдарды жеткізу кестесін түзету қажеттілігі туралы ұсыныстар берілді.
Айта кетейік, Петропавл қаласы әуежайыныӊ ұшу-қону жолағыныӊ жасанды жабынын, рульдеу жолын, перронды реконструкциялау және ҚЖО-1 жарық сигналы жабдығын орнатуға 5.98 млрд.теӊге бөлінді.Оныӊ ішінде 2015 жылы Қазақстан Республикасы Үкіметініӊ резервінен 4,0 млрд. теӊге және 2016 жылы Қазақстан Республикасыныӊ Бюджетінен 1,98 млрд. теӊге қарастырылған. Жобаны 2016 жылдыӊ желтоқсан айыныӊ соӊында аяқтау жоспарланып отыр.
Жолаушылар терминалын қайта жаӊғырту үшін 2016 жылдыӊ желтоқсан айында пайдалануға беру үшін, ағымдағы жылы республикалық бюджеттен 1,29 млрд. теӊге бөлінді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.