Pfizer Алматыдағы клиникалық зерттеулер орталығын дамытуға қатысады
"Kaznex Invest" экспорт және инвестициялар ұлттық агенттігінен хабарлағандай, компания екі жыл ішінде ҚазҰМУ клиникалық фармакология институтын дамытуға қаржылық және техникалық қолдау көрсетеді. Пациенттерді қабылдауға, деректерді басқаруға, зерттеулерді жоспарлауға және өткізуге оқытуды қоса алғанда, жемісті клиникалық зерттеулерді өткізу үшін қызметкерлерді оқыту жобаның маңызды элементі болады.
Алматы. 21 ақпан. Kazakhstan today. Фармацевтика саласындағы дүниежүзілік көшбасшысы Pfizer Алматыдағы С.Д. Асфендияров атындағы қазақ ұлттық медициналық университет негізінде қызмет ететін клиникалық зерттеулер орталығын дамытуға қатысады.
"Kaznex Invest" экспорт және инвестициялар ұлттық агенттігінен хабарлағандай, компания екі жыл ішінде ҚазҰМУ клиникалық фармакология институтын дамытуға қаржылық және техникалық қолдау көрсетеді. Пациенттерді қабылдауға, деректерді басқаруға, зерттеулерді жоспарлауға және өткізуге оқытуды қоса алғанда, жемісті клиникалық зерттеулерді өткізу үшін қызметкерлерді оқыту жобаның маңызды элементі болады.
Жобаны іске асыру Pfizer компаниясының Қазақстан Республикасы Денсаулық сақтау министрлігі және ҚР ИЖТМ "Kaznex Invest" экспорт және инвестициялар ұлттық агенттігімен ынтымақтастық шеңберінде өтіп жатыр.
Құрамына ДСМ және Kaznex Invest өкілдерінен басқа Назарбаев Университетінің, Ұлттық медициналық холдингтің, Өмір туралы ғылым орталығының, Астана медициналық университетінің, С.Д. Асфендияров атындағы ҚазҰМУ, "Дәрілік заттарды, медициналық мақсаттағы бұйымдарды және медициналық техниканы сараптау ұлттық орталығы" РМК өкілдері кіретін мекемеаралық жұмыс тобы құрылды. Жұмыс тобы әдістеме мен мамандарды дайындауды қоса алғанда Қазақстанда клиникалық зерттеулерді өткізу үшін қажет инфрақұрылымды дамыту және талдау өткізілуде.
Қазақстанда клиникалық сынақ орталықтарын бірлесіп дамыту бойынша меморандумға VI АЭФ шеңберінде 2013 жылдың мамыр айында Pfizer, ДСМ және Kaznex Invest қол қойғанын еске түсіре кеткен жөн. Оған дейін, 2012 жылдың аяғында Премьер-Министр орынбасары - Индустрия және жаңа технологиялар министрі Исет Исекешев Kaznex Invest ұйымдастырған АҚШ-қа роуд-шоу кезінде Pfizer басшылығымен келіссөздер жүргізді.
Қазақстанға соңғы сапары кезінде фармацевтикалық компания басшылығы Қазақстан биофармацевтикалық саласын дамытуға көп тарапты қолдау көрсетуге ниет білдірді. Pfizer компаниясының вакцина және онкология бөлімінің Президенті Альберта Бурланың ықтимал сапары кезінде инвестициялық ынтымақтастық туралы келісімге 2014 жылдың мамырында қол қою жоспарланған.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.