Польша мен Қазақстан арасындағы тауар айналымы биыл 2 млрд. долларды құрайды деп жоспарлануда
Оны Польшаның Қазақстан мен Қырғызстандағы Бас консулы, Елші Веслав Осуховский Алматыда өткен Польша-Қазақстан бизнесі кешінде мәлім етті, деп жазады ҚазАқпарат.
Алматы. 2-желтоқсан. Kazakhstan Today - Польша мен Қазақстан арасындағы тауар айналымы 9 айда 1 млрд. 576 млн. 207 мың АҚШ долларын құрады, деп хабарлайды Kazakhstan Today агенттігінің тілшісі.
Оны Польшаның Қазақстан мен Қырғызстандағы Бас консулы, Елші Веслав Осуховский Алматыда өткен Польша-Қазақстан бизнесі кешінде мәлім етті, деп жазады ҚазАқпарат.
"Польша бүгінгі таңда Еуропалық одақтағы саяси және экономикалық тұрғыдан өте тұрақты. Онда азаматтық қоғам тұрақтылықтың өте маңызды көзі болып отыр. Польша Еуропалық одақтағы өзге мемлекеттерге қарағанда дағдарыстан өте жақсы қорғануда. Ұлттық кіріс биыл 22 пайызды құрамақ, экономистер келесі жылы ол 20-22,5 пайыз шамасында болады деп болжауда. Жан басына шаққанда жалпы ішкі өнімнің көлемі қазір Польшада 20 мың долларды құрайды", - дейді В.Осуховский. Оның айтуынша, Қазақстанмен тауар айналымының көлемі жағынан Еуропалық одақ елдері арасында Польша сегізінші, ал Германия жетінші орында тұр. Бұл екі елдің әлеуеті бір-бірімен салыстыруға келмейтін деңгейде екенін ескерсек, сегізінші орын Польша үшін үлкен жетістік деуге болады.
Жалпы Польша мен Қазақстан арасындағы тауар айналымында Қазақстаннан Польшаға тауар экспорты 1 млрд. 240 млн. 914 мың долларды, ал Польшадан Қазақстанға тауар импорты 335 млн. 292 мың долларды құрайды. Өткен жылы тауар айналымының жалпы көлемі 1 млрд.355 млн. 488 доллар болған еді. Онда Қазақстаннан Польшаға тауар экспорты 1 млрд. 86 млн. 967 мың долларды, ал Польшадан Қазақстанға тауар импорты 268 млн. 520 мың доллар көлемінде болған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.