АСТАНА. 19-қаңтар. Kazakhstan Today. Бүгін қаржы министрлігінің алқа мәжілісінде республиканың үкімет басшысы Кәрім Мәсімов қаржы министрлігінің басқару жүйесін автоматтандыруға арналған бюджет қаржысының жұмсалуына көңілі толмайтындығын мәлім етті, деп хабарлайды Kazakhstan Today тілшісі.
"Мен органды автоматтандыруға арналған бюджет қаржысының қалай жұмсалып отырғанына аса наразылығым бар", - деді К. Мәсімов. "Айтудай-ақ айтамыз, ақша бөлеміз. Бірақ оның өткен жылы қалай жұмсалғандығы өз алдына бөлек әңгіме, оған кім кінәлі екендігі жөнінде біз министрмен жеке отырып әңгімелесеміз",- деді ол.
Үкімет басшысы өзінің "электрондық қаржы министрлігінің концепциясына жалпы көңілі толмайтынын" айтты. К. Мәсімовтің пікірінше қаржы министрі Наталья Коржова "өте әдемі таныстыру рәсімін" өткізген, бірақ нақты жұмыс істелінбеген. "Сізден бұл мәселеге жеке өзіңіз бақалау жасауыңызды сұраймын. Мен, премьер-министр ретінде, барлық қажетті жағдайды жасаймын, бірақ нақты нәтиже болсын",- деді ол қаржы министрлігінің басшысына арнап айтқан сөзінде. Сондай-ақ, К. Мәсімов "ақпараттандыру мәселесі қаржыны игеруді меңземейді, ол салықшылардың, кеденшілер мен қаржы министрлігінің басқа да өкілдерінің жұмыс тиімділігіне қаншалықты әсер еткендігімен өлшенеді", деп атап өтті.
Ол, сондай-ақ, республикада салықты азайту және жеңілдіктерді жою қажеттігін атап өтті. "Біз бірінші қабылдаған Салық кодексінен тамтық та қалмады. Онда жеңілдіктерден өзге түк жоқ. Жалпы мен салықты азайту мен жеңілдіктерді мүлдем жою жағындамын",- деді үкімет басшысы.
Сонымен қатар, алқа мәжілісінде К. Мәсімов республикадағы мүлікті заңдастыру барысына шара аяқталғанға дейін, яғни үстіміздегі жылдың 1-сәуіріне дейін өзі жетекшілік ететіндігін хабарлады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Премьер-министр қаржы министрлігінің басқару жүйесін автоматтандыруға арналған бюджет қаржысының жұмсалуына көңілі толмайтынын білдірді
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.