Премьер-Министрдіӊ орынбасары - Ауыл шаруашылығы министрі Ақмола облысына жұмыс сапарымен барды
Жоба бойынша ауыл шаруашылығы техникасын несиеге алу кезінде пайыздық мөлшерлеменіӊ бір бөлігі (7-10%) бюджет есебінен субсидияланады. Ауыл шаруашылығы техникасын алуға 25% көлемінде өтейтін инвестсубсидия бағдарламасы жалғасатын болады.
Астана. 2 сәуір. Kazakhstan Today - ҚР Премьер-Министрініӊ орынбасары - Ауыл шаруашылығы министрі Ө.Шөкеев жұмыс сапарымен Ақмола облысына барды.
Ақмола облысындағы ет бағытындағы кооперацияны дамыту мәселелері бойынша өткізілген жиында саланы дамытудыӊ перспективалық бағыттары, отандық ауыл шаруашылығы тауар өндірушілерін мемлекеттік қолдау саясаты талқыланды.
Елбасы жыл сайынғы Жолдауында агроөнеркәсіптік кешен алдында еӊбек өнімділігі мен өӊделген ауыл шаруашылығы тауарларыныӊ экспортын 2,5 есеге арттыру туралы тапсырма қойған болатын.
Осы тапсырманы орындау мақсатында агроөнеркәсіптік кешен субъектілерін қаржыландырудыӊ қолжетімділігін арттыру, сату нарығын кеӊейту және ауыл шаруашылығы өнімдерініӊ экспортын дамыту, мемлекеттік бақылау мен қадағалаудыӊ тиімділігі, агроөнеркәсіптік кешенді цифрландыру, заманауи технологиялардыӊ қолжетімді болуына ерекше назар аударылуда.
Отандық мал шаруашылығын дамыту үшін мемлекеттік қолдауды арттыру көзделуде. Қазіргі уақытта қолданыстағы шаралар республикамыздыӊ экспорттық әлеуетін арттыратын 16 мыӊ фермерлік шаруа қожалықтардыӊ құрылуына негіз болды. Осындай шаруа қожалықтардыӊ бірі Бұланды ауданында орналасқан, етті бағыттағы "Ангус" тұқымдас ірі қара малмен айналысатын "Қайрат" ШҚ.
Мемлекеттік саясаттыӊ тағы бір бағыты қазақстандық фермерлерді заманауи және қолжетімді техникамен қамтамасыз ету болып табылады. Қазіргі уақытта тракторлардыӊ 86% мен комбайндардыӊ 72% қолданылу мерзімі 10 жылдан асып кеткен. 2017 жылы ауыл шаруашылығы техникасын сатып алу мен жаӊарту деӊгейі күрт төмендеді. Бұл өз кезегінде егінніӊ сапасына, кірістіӊ азаюына, техниканыӊ тұрып қалуына және эксплутациялық шығындардыӊ көбеюіне алып келеді.
Осыған орай, лизингке берілетін ауыл шаруашылығы техникасын несиелеу кезінде берілетін сыйақы мөлшерін субсидиялау жоспарлануда. Жоба бойынша ауыл шаруашылығы техникасын несиеге алу кезінде пайыздық мөлшерлеменіӊ бір бөлігі (7-10%) бюджет есебінен субсидияланады. Ауыл шаруашылығы техникасын алуға 25% көлемінде өтейтін инвестсубсидия бағдарламасы жалғасатын болады.
Сонымен қатар, инвестсубсидия бойынша аванстық төлем несие алушыныӊ арнайы шотына түседі, бұл өз кезегінде фермерге лизинг бойынша алғашқы төлем ретінде (15-20%) пайдалануға мүмкіндік береді.
Қазіргі уақытта минералды тыӊайтқыштарды субсидиялау процесі толығымен автоматтандырылған. Автоматтандырылған ақпараттық жүйе арқылы 2018 жылдыӊ 1 ақпанынан бастап субсидия алуға өтінім электронды түрде қабылдануда. Алматы, Жамбыл, Батыс Қазақстан және Қостанай облыстарына тыӊайтқыштарға субсидия беріле бастады.
Ауыл шаруашылығы министрлігі агроөнеркәсіптік кешендегі өзекті мәселелер туралы толық ақпарат алу үшін еліміздіӊ барлық өӊірлерінде кездесулер өткізу тәжірибесін жалғастырады.
ҚР АШМ Қоғаммен байланыс департаменті
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.