АЛМАТЫ. 13-наурыз. Kazakhstan Today. Республика үкіметі Илемдік банктің кеден қызметін жаңалау жобасын жүзеге асыру мүмкіндіктерін қарастыруда. Бұл туралы Илемдік банктің Орталық Азиядағы өңірлік өкілдігінің бұқарамен байланыс жөніндегі маманы Елена Карабан журналистерге мәлім етті, деп хабарлайды Kazakhstan Today тілшісі.
"Қазір Илемдік банк кеден қызметін жаңалау жөнінде жоба жасап, оны үкімет қарап жатыр",- деді Е.Карабан бүгін Алматыда "Кеден-2007" көрмесінің ашылуында.
Е.Карабанның айтуынша, бұл жоба кедендік құжаттарды рәсімдеу процедурасын жеделдетуге көмектеседі. "Кедендік тексеру мерзімі 75 пайызға дейін қысқарады. Сонымен қатар кедендік тексеруден өтуде талап етілетін құжаттардың саны да 14-тен 7-ге дейін азаяды",- деді ол.
Е.Карабанның айтуынша, жоба аясында "жасыл және қызыл дәліздер жүйесі енгізіледі". "Жүктің бәрін тексеру қажет емес екенін әлемдік тәжірибе көрсетіп отыр. Сөйтіп жаңа автоматтандырылған жүйелерді енгізу нәтижесінде 2009-жылы жүктердің 40 пайыздан төмен бөлігі, ал 2012-жылы - 20 пайыздан төмен бөлігі тексерілетін болады",- деді Илемдік банк қызметкері.
Жоба бес жылға есептелген, оны жүзеге асыру 2008-жылы қолға алынады. Жоба құны - 60 млн доллар. "Илемдік банк осы қаржының 30 млн долларға жуығын бөледі",- деді Е.Карабан.
Өз кезегінде қаржы министрлігінің кедендік бақылау комитеті төрағасының орынбасары Сержан Дүйсенбаевтың хабарлауынша, "соңғы Қауіпсіздік кеңесінің отырысында президент осы бағдарламаны қабылдап жүзеге асыра бастауға екі ай мерзім берді".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Республика үкіметі Илемдік банктің кеден қызметін жаңалау жобасын жүзеге асыру мүмкіндіктерін қарастыруда
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.