АСТАНА. 22 - мамыр. Kazakhstan Today. Салалық реттеуіш құру тарифтердің қайта-қайта өзгеруіне мүмкіндік бермейді. Мұндай пікірін бүгін үкімет отырысында Қазақстан Республикасының табиғи минополияларды реттеу жөніндегі агенттігінің басшысы Бақытжан Сағынтаев мәлім етті, деп хабарлайды Kazakhstan Today агенттігінің тілшісі.
"Біз салалық реттеуіштерді құру баға белгілеу салаларының барлық "тізбегін" біріктіруге мүмкіндік береді, деп күтудеміз. Бүгінде баға белгілеу мәселелерін реттейтін мемлекеттік органдардың іс-әрекеттерінің келіспеушілігі бір жыл ішінде бір монополистің бір қызметті көрсету тарифінің бірнеше рет өсу жүйесінің пайда болуына әкеп соқтырады",- деді Б. Сағынтаев. Оның пайымдауынша, "көзқарастарды бір мекеме-реттеуіште біріздендіру субъектілер мен доминанттарға байланысты шешімдерді бір уақытта қабылдау механизмін құру жолымен тарифтердің бірнеше рет өзгеруіне жол бермеуге мүмкіндік береді".
Сонымен қатар, агенттік басшысы "тәуелсіз салалық реттеуіштердің пайда болуы монополистердің көрсететін қызметтері мен инфрақұрылымға алалаусыз қол жеткізуге қатысты проблемаларды шешуге мүмкіндік береді" деп санайды. "Реттеуіш мемлекеттік органдар қолданатын көзқарастардың әртүрлі болуынан заңда тіркелген ену құқығының өзі нарыққа кедергісіз кіру жағдайын қамтамасыз етпейді. Бұл құқық жалпы ереже мен нарыққа шығудың техникалық және экономикалық шарттарының ортақ ережелері мен принциптерінде регламенттелуге тиіс, олардың жобасын реттеуіш жасауы қажет, бұл нарыққа шығудағы және нарықтағы билікті теріс пайдалануға мүмкіндік беретін экономикалық және техникалық кедергілерді жоюға жол ашады",- деп түсіндірді Б. Сағынтаев.
Ол сондай-ақ, реттеуіштердің пайда болуы инвестициялық бағдарламаларды жүзеге асыруда мониторинг құруға және "бақылаудың, соның ішінде қаржы ресурстарын мақсатты пайдалануды бақылудың тиімді механизмі" сияқты лицензиялау көмегімен міндеттеме құруға мүмкіндік береді. "Тәуелсіз салалық реттеуіштердің пайда болуы тиімді жұмыс істеуге және нарықтың дамуына, экономиканың инфрақұрылымдық салаларының инвестициялық тартымдылығына және бәсекелестік деңгейінің көтерілуіне түрткі болады",- деп қорытындылады табиғи минополияны реттеу агенттігінің басшысы.
Бұрындары хабарлағанымыздай, Қазақстанда Елбасының тапсырмасы бойынша үш тәуелсіз реттеуіш құрылады - шартты атауымен көрсетілетін қызмет, жұмыс және тауарлардың бағалары: қаржы саласындағы реттеуіш, телекоммуникациялық реттеуіш және инфрақұрылымдық реттеуіш. Олардың функцияларын Қазақстан Республикасының қаржы нарығы мен қыржылық ұйымдарын реттеу және қадағалау агенттігі, Қазақстан Республикасының ақпараттандыру және байланыс жөніндегі агенттігі мен Қазақстан Республикасының табиғи минополияларды реттеу жөніндегі агенттігі атқарады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Салалық реттеуіш құру тарифтердің қайта-қайта өзгеруіне мүмкіндік бермейді - Табиғи монополияларды реттеу агенттігінің басшысы
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.