АСТАНА. 15-ақпан. Kazakhstan Today. Салық комитеті өзінің аумақтық органдарының қызметін бағалаудың рейтинг жүйесін енгізбек. Бұл туралы бүгін Қазақстан Республикасы қаржы министрілігінің салық комитетінің кеңесінде мекеме төрағасы Нұрлан Рахметов мәлім етті деп хабарлайды Kazakhstan Today агенттігінің тілшісі.
"Біз аумақтық органдармен бірлесе отырып салық органдарының қызметін бағалаудың критерийлер жүйесін әзірледік, жүйеде түсім, салық қарыздарымен жұмыс істеу, салық органдарының іс-қимылына апелляция жасау, сыбайлас жемқорлықпен күрес, автоматтандыру, акциздік өнімдер әкімшілігі, Қосалқы құн салығының орнын толтыру сияқты салықшылар жұмысының оншақты негізгі бағыттары жөніндегі 117 критерий қамтылған",- деді Нұрлан Рахметов.
Оның сөздеріне сүйенсек, "осы критерийлердің негізінде аумақтық органдарды бағалаудың рейтинг жүйесі әзірленген, қазіргі уақытта комитеттің орталық аппаратын басқару үшін бағалау критерийлерінің жобасы дайындалуда".
Нұрлан Рахметов өткен жылы бұл жүйенің пилотты жоба ретінде сынақтан өткендігін еске сала кетті. Нәтижесінде салық комитетінің ең жоғарғы рейтингіне Шығыс Қазақстан , Қостанай, Қарағанды облыстары мен Алматы қаласы ие болды. Ең төмен көрсеткіш - Батыс Қазақстан, Жамбыл және Атырау облыстарында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Салық комитеті өзінің аумақтық органдарының қызметін бағалаудың рейтинг жүйесін енгізбек
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.