АСТАНА. 17 - мамыр. Kazakhstan Today. Қазақстанның Қаржы министрлігінің салық комитеті салық төлеушінің тіркеу мәліметтерін салық құпиясының құрамынан шығаруды ұсынады. Мұндай пікірін бүгін Қаржы министрлігінің алқа отырысында комитет төрағасы Нұрлан Рахметов мәлім етті, деп хабарлайды Kazakhstan Today агенттігінің тілшісі.
"Салық төлеушінің тіркеу мәліметтерін - мекен-жайы, жеке тұлғаның, құрылтайшылардың, басқарушылардың туған ай-күні және басқа да деректемелерді салық құпиясының құрамынан шығаруды ұсынамыз",- деді Н. Рахметов. "Мынадай бір сәйкессіздік бар: біз қаржы полициясына Қосалқы құн салығы бойынша бақылау-тексеру нәтижелері жөніндегі материалдарды береміз. Ал қаржы полициясы бізден барлық мәліметтерді сұрағанда, біз олардың салық құпиясы екендігін айтамыз",- деп түсіндірді ол.
"Салық құпиялары жөніндегі нормалар салық органдарының басқа да мемлекеттік органдарға салық төлеушілер туралы қажетті мәліметтер беруге мүмкіндік бермейді",- деп атап өтті Н. Рахметов. "Салық құпиясына жатпайтын мәліметтер аясын кеңейту туралы мәселені қарастыру қажет деп санаймыз",- деп мәлім етті Қаржы министрлігінің салық комитетінің басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Салық комитеті салық төлеушінің тіркеу мәліметтерін салық құпиясының құрамынан шығаруды ұсынады
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.