S&P ҚМГ БӨ-нің "GAMMA-6" деңгейіндегі рейтингін растады
Қазақстан жаңалықтары ақпараттық агенттігінің хабарлауынша, Standard & Poor's (S&P) халықаралық рейтинг агенттігі "ҚазМұнайГаз" Барлау Өндіру" АҚ-на (ҚМГ БӨ) "GAMMA-6" деңгейіндегі GAMMA корпоративтік басқару рейтингін растап, оны кері қайтарып алды, деп хабарлады агенттік.
Алматы. 8-қыркүйек. Kazakhstan Today - S&P ҚМГ БӨ-нің "GAMMA-6" деңгейіндегі рейтингін растады, деп хабарлайды Kazakhstan Today агенттігінің тілшісі.
Қазақстан жаңалықтары ақпараттық агенттігінің хабарлауынша, Standard & Poor's (S&P) халықаралық рейтинг агенттігі "ҚазМұнайГаз" Барлау Өндіру" АҚ-на (ҚМГ БӨ) "GAMMA-6" деңгейіндегі GAMMA корпоративтік басқару рейтингін растап, оны кері қайтарып алды, деп хабарлады агенттік.
Хабарламаға сәйкес, S&P стратегиялық процестердің тиімділігі тұрғысынан және акционерлерге ықпал ету жағынан алып қарағанда 2010 жылдың соңында ҚМГ БӨ-нің ұзақмерзімді стратегиясының жаңа редакциясының бекітілгенін оң бағалайды. Сарапшылар корпоративтік басқару жүйесінде тәуекелдерді басқарудың рөлі артып келе жатқанын атап өтеді және мұна жағымды фактор деп есептейді.
S&P агенттігінің есебінде ҚМГ БӨ корпоративтік басқару рейтингінің негізгі ұтымды тұстары ретінде ҚМГ БӨ Директорлар кеңесіндегі тәуелсіз директорлардың негізгі акционердің ықпалын тепе-теңдікте ұстап тұру, сондай-ақ менеджменттің қызметіне жіті қадағалау жасау тәжірибесінің бар екендігі аталған. 2010 жылы бұл қиындықты бастан өткеріп жатқан қазақстандық банктерде депозит орналастыруда тәуекелдерді азайтуға мүмкіндік берген жаңа қазынашылық саясатты келісуде маңызды рөл атқарды. Бас компаниямен өзара міндеттемелер ашық әрі заңды түрде бекітілген.
S&P ҚМГ БӨ-нің ашықтық деңгейін жоғары бағалайды, компанияда инвесторлармен байланыс жөніндегі жұмыстары белсенді атқарылып жатыр. ХҚЕС бойынша қаржылық есеп тоқсан сайын дер уақытында жарияланады. S&P сарапшылары ҚМГ БӨ акционерлеріне заңнамаға сәйкес кең көлемде құқықтар берілгенін, сондай-ақ ҚМГ БӨ-нің қарапайым акцияларды да, артықшылықты акцияларды да бірдей қаржылық қолдау көрсетуге талпынып отырғанын атап өтті.
S&P сарапшыларының пікірінше, Компанияның бизнес жүргізуіне және басқару жасауына мемлекет ықпалының деңгейі ҚМГ БӨ-нің GAMMA рейтингін шектейтін негізгі факторлардың бірі болып табылады.
Сонымен қатар, ҚМГ БӨ-нің корпоративтік басқару рейтингі растала отырып, агенттіктің GAMMA әдістемелігімен корпоративтік басқаруды бағалау жөніндегі қызметтерді көрсетуден бас тартуына байланысты S&P бастамасымен рейтинг кері қайтарылды. Алайда, S&P несиелік зерттеу аясында корпоративтік басқаруға бағалай жүргізу ниетін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.