"Самұрық-Энерго" АҚ инвестицияларға шығынды қысқартты
Экономикалық жағдай бойынша болжамдарға сүйенер болсақ, үстіміздегі жылы "Самұрық-Энерго" АҚ инвестицияларға шығынды 28 млрд теӊгеден астам сомаға қысқартты, деп мәлімдеді бүгін холдинг басқармасыныӊ төрағасы Алмасадам Сәтқалиев
Астана. 17 қараша. Kazakhstan Today - Экономикалық жағдай бойынша болжамдарға сүйенер болсақ, үстіміздегі жылы "Самұрық-Энерго" АҚ инвестицияларға шығынды 28 млрд теӊгеден астам сомаға қысқартты, деп мәлімдеді бүгін холдинг басқармасыныӊ төрағасы Алмасадам Сәтқалиев, деп хабарлайды Kazakhstan Today агенттігініӊ тілшісі.
"Мемлекет басшысыныӊ тапсырмасына сәйкес, 2015 жылғы экономикалық жағдайы бойынша болжалдарды ескере отырып, "Самұрық-Энерго" АҚ инвестицияларға арналған шығындарды жалпы сомасы 28 млрд теӊгеден жоғары сомаға немесе 23%-ға және ағымдағы шығындарды 9,4 млрд теӊгеге немесе 5%-ға қысқартты", - деді А.Сәтқалиев ОКҚ брифингінде, деп хабарлайды primeminister.kz тілшісі.
Оныӊ мәліметінше, "Самұрық-Энерго" АҚ компаниялар тобы бойынша бюджеттердіӊ операциялық және инвестициялық бөлігі бойынша шығындар 2016 жыл үшін де оӊтайландырылды және 2,9 млрд теӊге мөлшерінде жасалды, оныӊ ішінде жалпы және әкімшілік шығындар персонлаға еӊбекақы шығындарын, өзге де материалдық төлемдерді қысқарту, демеушілік, қайырымдылық көмекті, консультациялық, көлік шығындарын қысқарту есебінен 860 млн теӊге мөлшерінде. Инвестициялық шығындар 27 млрд теӊгеге қысқартылды.
"2015 жылы жалпы табыстар 196,8 млрд теӊге мөлшерінде күтіледі, бұл жекешелендірудіӊ кешенді жоспары бойынша ҚР Үкіметініӊ қаулысына сәйкес, іске асыру кезінде активтерді шоғырландырудан шығарумен байланысты 2014 жылғы табыстардан 22%-ға төмен", - деді А.Сәтқалиев.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.