"Самұрық-Қазына" АҚ-ныӊ жекешелендіру бағдарламасы ресейлік инвесторларға таныстырылды
Инвесторлармен байланыс департаментініӊ директоры Жанболат Кәкішев негізгі төрт бағытқа тоқталып, оныӊ әрқайсысы бойынша Қор инвесторларды іздеуде жекелеген жұмыс жүргізетінін атап өтті.
Астана. 30 мамыр. Kazakhstan Today - "Самұрық-Қазына" АҚ-ныӊ Қазақстандағы мемлекеттік активтерді жекешелендіру бағдарламасы аясында ЕАЭО инвестициялық мүмкіндіктеріне арналған баспасөз конференциясы "Ресей бүгін" ХАА халықаралық мультимедиялық баспасөз орталығыныӊ алаӊында өтті. Бейнекөпір форматындағы іс-шараға ресейлік бизнес-қауымдастықтыӊ және Мәскеу, Екатеринбург, Казань мен Астрахань қалаларынан бұқаралық ақпарат құралдарыныӊ өкілдері қатысты.
Инвесторлармен байланыс департаментініӊ директоры Жанболат Кәкішев негізгі төрт бағытқа тоқталып, оныӊ әрқайсысы бойынша Қор инвесторларды іздеуде жекелеген жұмыс жүргізетінін атап өтті.
"Бізде негізгі индустрияларда жұмыс істейтін қоржынды компаниялар бар. Мәселен, мұнай-газ немесе тасымалдау және логистика. Бұл салаларда біз негізгі бизнеске сәйкес серіктестерді іздейміз. Екінші бағыт - бұл активтерді сату. Үшінші бағыт - бұл тау-кен немесе мұнай-химия саласындағы дамып жатқан компаниялар. Бұл ретте біз оған ұқсас жобаларды жүзеге асыру тәжірибесі бар стратегиялық серіктестерді іздейміз. Себебі бұл өзініӊ спецификасы бойынша жаӊа жобалар болып табылады. 4-ші бағыт - теӊ инвестициялау бойынша жобалар", - деп түсіндірді Кәкішев.
"Самұрық-Қазына" АҚ Трансформациялау, жекешелендіру және қайта құрылымдау жөніндегі басқарушы директоры Нұрлан Рахметов бизнесті трансформациялаудыӊ кешенді бағдарламасы шеӊберінде компанияларды сату алдындағы дайындық бойынша ауқымды жүмыс жүргізілгеніне тоқталып, Қордыӊ ұлттық компанияларды IPO-ға шығару жоспары жайлы баяндады.
"Ірі активтердіӊ саны тоғыз екенін атап өттім. Олардыӊ алтауын IPO-ға шығаруды жоспарлап отырмыз. Мұны үш толқын негізінде жүзеге асыру қарастырылған. Біз биылғы жылдыӊ ішінде халықаралық алаӊға үш компаниямызды шығару мүмкіндігін қарастырып отырмыз. Бұл - біздіӊ ұлттық телекоммуникациялық операторымыз "Қазақтелеком", біздіӊ ұлттық әуе тасымалдаушымыз "Эйр Астана", біздіӊ уран компаниямыз "Қазатомөнеркәсіп", - деді Н. Рахметов.
Тағы үш компания - "Самұрық-Энерго", "Тау-Кен Самұрық" және Qazaq Air - екінші толқын аясында жекешелендіріледі. Бұл ретте басқарушы директордыӊ сөзінше, Қор "Самұрық-Энерго" 100% акциялар пакетін сатуды қарастырып отыр, мәміле жайлы қорытынды шешім компанияға жүргізілген тәуелсіз бағалаудан кейін қабылданады. Үшінші толқын аясында "Қазпошта", "ҚазМұнайГаз" және "Қазақстан темір жолы" активтері сатылады.
Атап өткен жөн, ПХЭФ-2018 аясында өткен "Самұрық-Қазына" АҚ-ныӊ Инвестор күніне 134 ресейлік және 74 шетелдік компания қатысты. Олардыӊ арасында Қордыӊ қоржынды компанияларына стратегиялық қызығушылық туғызатын халықаралық холдингтердіӊ, ірі мемлекетті корпорациялардыӊ, банктер мен басқа компаниялардыӊ шамамен 30 топ-менеджері мен өкілі қатысты, деп хабарлайды "Самұрық-Қазына" АҚ Қоғаммен байланыс департаменті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.