"Самұрық-Қазына" қоры БТА банктегі өз үлесін беру жөнінде Ресей Сбербанкімен келіссөздер жүргізуде - Дунаев (толықтырылған)
"Самұрық-Қазына" қоры БТА банктегі өз үлесін беру жөнінде Ресей Сбербанкімен келіссөздер жүргізуде - Дунаев (толықтырылған)
Алматы. 2 ақпан. "Қазақстан Бүгін" - "Самұрық-Қазына" Ұлттық әл-ауқат қоры БТА банктегі өз үлесін беру жөнінде Ресей Сбербанкімен келіссөздер жүргізуде. Бұл туралы бүгін "Самұрық-Қазына" Ұлттық әл-ауқат қорының басқармалары төрағасының орынбасары Арман Дунаев БТА банкте өткен баспасөз мәслихатында мәлімдеді, деп хабарлайды агенттік тілшісі.
"Біз бірқатар стратегиялық инвесторлармен, атап айтсақ, Ресей Сбербанкімен келіссөздер жүргізіп жатырмыз. Мемлекет өз үлесін оған бере алатындығын айтып отыр. Мұндай жағдайда біз бірінші кезекте жоғарыда айтылған 78,14% үлесті шамамен 50 де 50 үлеспен беруге уағдаласпақшымыз", - деді А. Дунаев.
Бұдан бұырн да хабарлағанымыздай, Қазақстан үкіметі ҚР Қаржы нарығы мен қаржылық ұйымдарды қадағалау және реттеу агенттігінің "Самұрық-Қазына" қорына жасаған "БТА банк" акцияларының 78,14% сатып алу жөніндегі ұсынысын мақұлдады.
"Банкте ірі қатысушының жоқ екендігін, сондай-ақ, банктің қалыпты жұмыс істеуін қамтамасыз ету үшін қосымша капитал әкеле алатын түпкілікті бенефициарлық қожайындарының анықталмауын ескере отырып, салымшыларының мүддесін қорғау үшін ҚР Қаржы нарығы мен қаржылық ұйымдарды қадағалау және реттеу агенттігі жақында қабылданған қаржылық тұрақтылық жөніндегі заңның аясында 1 ақпанда үкіметтен "Самұрық-Қазына" Ұлттық әл-ауқат қорының "БТА банк" шығарған акцияларды ҚР банк және банк жүйесі туралы заңының 17 және 18 баптарының аясында сатып алуын сұрау туралы қаулы қабылдады. Қаржылық бақылау агенттігі "Самұрық-Қазына" қорымен бірлесіп банк капиталын қосымша 251,3 млрд теңгеге ұлғайту жөніндегі қорытындыға қол қойды", - деді үкіметтің отырысында ҚР Қаржы нарығы мен қаржылық ұйымдарды қадағалау және реттеу агенттігінің төрайымы Е. Бахмутова.
"Заңнамаға сәйкес, орналастыру құны шешім қабылданған күнгі жағдаймен анықталуға тіис, демек, Қазақстан қор биржасында бүгінгі сауда-саттық ашылған сәтте қалыптасқан бағаға сәйкес бір қарапайым акцияның бағасы 8 401 теңгені құрайды. Демек, аталған бағаға 29 млн 915 мың 425 дана қарапайым акцияны биржаға қосымша шығару керек. Бұл тиісінше, "Самұрық-Қазына" қорының 78,14% үлесінің қалыптасуына алып келеді. Бұл - банкті мемлекеттің иелігіне көшіру болып табылмайды және жүйе құрушы банктің үздіксіз жұмыс істеуін қамтамасыз етуді мақсат тұтады", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.