"Самұрық-Қазына" өкілдері сатып алулар моделініӊ артықшылықтары туралы баяндады
Еске салып өтсек, 2015 жылғы 4 қыркүйекте Қордыӊ сатып алу қызметініӊ тиімділігін көтеру мақсатында "Самұрық-Қазына" АҚ Директорлар кеӊесі сатып алуларды басқару бойынша жаӊа концепцияны бекітті. Концепцияға сәйкес,сатып алуды жоспарлаудан бастап қорларды басқаруға дейін жеткізілімдердіӊ толық тізбегін қамтитын сатып алулардыӊ жеті стандартын енгізу көзделген.
Астана. 14 сәуір. Kazakhstan Today - 2017 жылдыӊ 13 сәуірінде Астана қаласында БАҚ өкілдері үшін "Самұрық-Қазына" АҚ (әрі қарай - Қор) сатып алуларды басқару моделініӊ артықшылықтары туралы ақпараттық сессия өтті. Ақпараттық сессияныӊ спикерлері: "Самұрық-Қазына" АҚ трансформация және арнайы жобалар жөніндегі басқарушы директоры Адамас Илькявичюс,"Самұрық-Қазына" АҚ сатып алулар әдістемесі қызметініӊ жетекшісініӊ міндетін атқарушы Юлия Архипова, "Самұрық-ҚазынаКонтракт"ЖШС бас директорыныӊ орынбасары Қайнар Тайжанов.
Еске салып өтсек, 2015 жылғы 4 қыркүйекте Қордыӊ сатып алу қызметініӊ тиімділігін көтеру мақсатында "Самұрық-Қазына" АҚ Директорлар кеӊесі сатып алуларды басқару бойынша жаӊа концепцияны бекітті. Концепцияға сәйкес,сатып алуды жоспарлаудан бастап қорларды басқаруға дейін жеткізілімдердіӊ толық тізбегін қамтитын сатып алулардыӊ жеті стандартын енгізу көзделген.
Сатып алулар жүйесініӊ басты ерекшеліктері екі механизмді енгізуге байланысты: сатып алынатын тауарлар, жұмыстар мен қызметтерді категорияларға жіктеу, және ықтималды жеткізушілерді алдын ала квалификациялық іріктеу.
Сатып алуларды категориялық басқарудыӊ артықшылығын айтсақ, жеткізушіні таӊдау кезінде басты критерий ретінде тауар, жұмыс немесе қызметті сатып алу сәтінен бастап оны толығымен есептен шығаруға дейінгі тіршілік кезеӊі барысында пайда болған барлық шығындардыӊ жиынтық құны ескеріледі.
Ықтималды жеткізушілерді алдын ала квалификациялық іріктеу дегеніміз - ықтималды жеткізушілерді тәуелсіз бақылау, бұл жеткізушілердіӊ жұмыс атқару, қызмет көрсету және тауар жеткізудіӊ мүмкіндіктерін бағалауға, сонымен қатар сатып алуларды жалған фирмалардыӊ қатысуынан қорғауға көмектеседі. Қазіргі кезде 600 қазақстандық компания алдын ала квалификациялық іріктеуден өтті. Пилоттық жоба шеӊберінде сатып алулар ағымдағы жылдыӊ 3 сәуірінен бастап алдын ала квалификациялық іріктеуден өткен жеткізушілер арасында ғана жүргізіліп, тауарлар, жұмыс пен қызметтердіӊ 64 категориясы бойынша ықтималды жеткізушілердіӊ тізімі құрастырылған.
Ықтималды жеткізушілердіӊ тізіміне енген компаниялар 2-3 жыл ішінде тендерге қатысуға өтінішті қамтамасыз ету үшін жарна төлеу, қызметкерлер құрамын және жұмыс тәжірибесін дәлелдеу, құжаттарды нотариалдық тіркеу міндеттерінен босатылады. Сонымен қатар тәуелсіз бағалау нәтижесінде компанияларға олардыӊ қызметін жетілдіру бойынша ұсыныстар беріледі.
2017 жылы алдын ала квалификациялық іріктеу тәжірибесін "Самұрық-Қазына" АҚ компаниялар тобыныӊ барлық сатып алуларына қатысты қолдану жоспарлануда.Осыныӊ арқасында Қор өзініӊ сатып алулар жүйесін стандарттарға сәйкес келтіруге және оӊтайландыруға мүмкіндік алып, жеткізушілер үшін дұрыс бәсекелі орта қалыптастыруға жағдай туады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.