"Самұрық-Қазына" Ұлттық әл-ауқат қоры мен Астана қаласының әкімдігі дағдарысқа қарсы жоспарды жүзеге асыру жолындағы біріккен меморандумға қол қойды
"Самұрық-Қазына" Ұлттық әл-ауқат қоры мен Астана қаласының әкімдігі дағдарысқа қарсы жоспарды жүзеге асыру жолындағы біріккен меморандумға қол қойды
Астана. 19 қаңтар. "Қазақстан Бүгін" - "Самұрық-Қазына" Ұлттық әл-ауқат қоры АҚ басқарма төрағасы Қайрат Келімбетов пен Астана қаласының әкімі Иманғали Тасмағамбетов 2008-жылдың 25-қарашасында үкімет қаулысымен бекітілген 2009-2010 жылдарға арналған экономика мен қаржы жүйесін тұрақтандыруға арналған дағдарысқа қарсы жоспарды жүзеге асыру жолындағы біріккен меморандумға қол қойды, деп хабарлайды агенттік тілшісі қордың абспасөз қызметіне сілтеме жасап.
Баспасөз қызметінің ақпаратына сәйкес, қолдағы бар қаржылық, ақпараттық, құқықтық, ұйымдастырушылық мүмкіндіктерді пайдалана отырып, екі жақ біріккен іс-шаралар жоспарының төмендегі 4 бағытындағы шаруаларды жүзеге асыруға келісті:
Қаржы саласын тұрақтандыру; тұрғын үй нарығындағы мәселелерді шешу; ота және шағын бизнесті қолдау; инновациялық, индустриалдық, және инфрақұрылымдық жобаларды жүзеге асыру;
Алғашқы бағыт бойынша, екі жақ ақпарат алмасуға келісті, дәлірек айтсақ, банктердің күмәнді активтерін сатып алу жөніндегі сараптамалық және анықтамалық материалдарды алмасып тұруға, сонымен қатар, күмәнді активтер қорына бағытталатын кепілдіктерді мемлекеттік органдарда тіркеу кезінде ықпал жасауға келісті.
Екінші бағыт - тұрғын үй нарығындағы мәселелерді шешу бойынша, Астана қаласындағы тұрғын үйлердің аяқталар шағында қажет болатын тиісті құжаттарды мемлекеттік органдарда тіркеу кезінде, құрылысы аяқталған нысандарды қалалық инженерлік жүйеге қосатын және жобалаушы компаниялар құрылар уақытта туындайтын ұйымдастырушылық-техникалық мәселелерді екі жақ бірігіп шешеді.
Орта және шағын бизнесті қолдау шаралары аясында қор мен әкімшілік қалада кәсіпкерлікті дамыту орталықтарын ашу жөнінде уағдаласты. Бұған қоса, екі жақ отандық кәсіпкершіліктің дамуын тежейтін әкімшілік кедергілерді аңдаған жағдайда, тиісті заңдарға өзгерістер мен толықтырулар енгізу жөнінде бірігіп ұсыныстар жасамақ.
Төртінші - инновациялық, индустриялық, және инфрақұрылымдық жобаларды атқаратын бағыт бойынша - жобаларды жүзеге асыратын кездегі қажетті құжаттарды мемлекеттік органдарда тіркеу кезінде, құрылысы аяқталған нысандарды қалалық инженерлік жүйеге қосатын және өзге де мәселелер туындап жатқан жағдайда, ұйымдастыршылық-техникалық мәселелерді екі жақ бірігіп шешеді.
Үкіметтің 2007 жылы қараша айында тұрғын үй саласын тұрақтандыруға жолында қабылдаған бірінші қадамдағы шаралар жоспары аясында, Астана қаласындағы құрылыс объектілерін аяқтауды қаржыландыруға екінші деңгейлі банктер арқылы республика бюджетінен 48,8 млрд.теңге бөлінген. "Самұрық-Қазына" ҰИҚ сол қаржыны жүзеге асырудың операторы болды.
Сол қаржы Астанада 13000 астам пәтері бар 37 тұрғын үй құрылысын қаржыландырды. Оның ішінде 8 тұрғын үй құрылысы салынып, 2009 жылдың алғашқы тоқсанында тағы да 17 үй құрылысы аяқталмақ.
Астана қаласы әкімшілігінің мәліметтеріне қарағанда, 2008 жылы қаладағы құрылыс саласындағы мәселелерді шешу үшін 107 млрд теңге жұмсалған, соның арқасында тұрғын үйді пайдалануға беру көлемі 2007 жылмен салыстырғанда 105,2 % артқан.
Жалпы алғанда, 2008 жылы Астанада 99 тұрғын үй нысанының құрылысы аяқталып, 12 мыңнан астам адам немесе барлық үлескерлердің үштен бір бөлігінен астамы пәтерлерге ие болған.
Орта және шағын бизнесті қолдау шаралары бойынша 2007 жылы желтоқсанда "Самұрық-Қазына" ҰИҚ тарапынан екінші деңгейлі банктер арқылы бөлінген 48,8 млрд теңгенің 2,9 млрд теңгесі Астана қаласы бойынша ағымдағы қаржыдан игерілді.
Қордан басқа, екінші деңгейлі банктердің де ақшасы бағытталған "50 де 50" бағдарламасы бойынша, Астана қаласы бойынша 19,1 млрд.теңге игерілген.
Сөйтіп, орта және шағын бизнесті екінші деңгейлі банктер арқылы қолдау шаралары аясында Астана қаласы бойынша 22 млрд. теңге игеріліп, банк несиесіндегі мемлекеттік қаржы 34,9 % құраған.
Астана қаласы әкімшілігінің мәліметтеріне сүйенсек, өнімдердің номиналды шығарылымы 2007 жылғы өсіммен салыстырғанда, 104,3 % құраған. 2008 жылы қаладағы қаржы институттарының орта және шағын бизнеске 64 млрд теңге немесе 2007 жылдағымен салыстырғанда, 2 есе аз несие бергеніне қарамастан, өсім осындай болды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.