"Самұрық-Қазына" Ұлттық әл-ауқат қорының еншілес кәсіпорындарындағы заң бұзушылықтарға қор құрылмас бұрын жол берілген - Ийтекенов
"Самұрық-Қазына" Ұлттық әл-ауқат қорының еншілес кәсіпорындарындағы заң бұзушылықтарға қор құрылмас бұрын жол берілген - Ийтекенов
Астана. 9 ақпан. Kazakhstan Today - Есеп комитеті анықтаған "Самұрық-Қазына" Ұлттық әл-ауқат қорының еншілес кәсіпорындары - "Ұлттық инновациялық қор" АҚ мен "Қазақстанның инвестициялық қоры" АҚ -дағы заң бұзушылықтарға қор құрылмас бұрын жол берілген. Бұл туралы бүгін өткен үкіметтің отырысының қорытындысы бойынша "Самұрық-Қазына" Ұлттық әл-ауқат қорының атқарушы директоры Қайрат Ийтекенов мәлім етті, деп хабарлайды Kazakhstan Today.
""Самұрық-Қазына" Ұлттық әл-ауқат қоры 2008 жылдың 12 қазанында құрылған. Және даму институттарынан берілген активтерден бір теңге де жаңа капитал құруға жұмсалған жоқ. Бұл заң бұзушылықтар сонау "Қазынаның" кезінде жасалған", - деді Қ. Ийтекенов.
Оның айтуынша, қаржының мақсатты пайдаланылуына байланысты мәселелерді шешу үшін келешекте "заңнаманы қылмыстық-әкімшілік жауапкершілік бойынша жүйелік сәйкестендіру керек".
"Есеп комитеті дәл осындай жүйелік мәселелерді анықтауға көмектесті, қазір біз басқа да еншілес компаниялар бойынша осы тұрғыда жұмыс істеп жатырмыз", - деді Қ. Ийтекенов.
Бұдан бұрын да хабарлағанымыздай, Есеп комитеті "Ұлттық инновациялық қор" АҚ мен "Қазақстанның инвестициялық қоры" АҚ қатысты іс материалдарын құқық қорғау органдарына тапсырды. Бұл туралы Есеп комитетінің төрағасы Омархан Өксікбаев журналистерге берген сұхбатында мәлім етті.
Оның ақпаратына сәйкес, 2009 жылы "құқық қорғау органдарына 40 материал тапсырылып, олардың 9-ы бойынша қылмыстық іс қозғалған, бірақ соның ішінде сотқа жеткені - төртеу ғана".
Атап айтсақ, Омархан Өксікбаев құқық қорғау органдарына тапсырылғандардың ішінде "Ұлттық инновациялық қор" мен "Қазақстанның инвестициялық қорына" қатысты материалдар да бар екенін растады.
Есеп комитетінің төрағасы Омархан Өксікбаевтың айтуынша, "республикалық бюджеттен "Ұлттық инновациялық қор" АҚ мен "Қазақстанның инвестициялық қоры" АҚ-ның жарғылық капиталын құруға осы жылдарда 70 млрд астам теңге бөлінген".
"Осыған байланысты бұл акционерлік қоғамдардың 2007-2008 жылдардағы қаржылық-шаруашылық іс-қызметінің нәтижесі 25,5 млрд теңгенің шығынына алып келді", - деді Есеп комитетінің төрағасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.