"Самұрық-Қазына" Ұлттық-әл-ауқат қоры ипотекалық несиелерді қайта қаржыландыру бағдарламасының мерзімін 2009 жылдың 1-шілдесіне дейін ұзартты
"Самұрық-Қазына" Ұлттық-әл-ауқат қоры ипотекалық несиелерді қайта қаржыландыру бағдарламасының мерзімін 2009 жылдың 1-шілдесіне дейін ұзартты
Астана. 3 маусым. "Қазақстан Бүгін" - "Самұрық-Қазына" Ұлттық-әл-ауқат қоры 2009 жылдың 2-маусым күні үкіметтің қор ұсынысын қолдауының арқасында ипотекалық несиелерді қайта қаржыландыру бағдарламасының мерзімін 2009 жылдың 1-шілдесіне дейін ұзартты, деп хабарлайды "Қазақстан Бүгін" агенттігі қордың баспасөз қызметіне сілтеме жасап.
Бағдарламаның шарттарына сәкес, мамыр айының 25-26 күні банктердің ипотекалық несиені қайта қаржыландыруға бөлінген қаржы игеріліп бітуге тиіс еді. 2009 жылдың 1-маусым күнгі мәліметтеріне сәйкес, бағдарламаға қатысу үшін 37,7 мың адамнан 142,5 млрд теңгеге сай сомаға өтініш келіп түскен. Оның ішінде, 24 мың несие алушының 92,2 млрд теңгелік өтініші мақұлданған. Ал 69 млрд теңгеге сай сомаға 18 мың адаммен келісім түзілген.
Қордың мәліметінше, қаржы мынадай 4 ірі банкте толық игерілмей қалған: "БТА" АҚ мен "БТА Ипотека" Ипотекалық ұйымы" АҚ 40 млрд теңге бөлінген. Келіп түскен өтініштердің саны 40,3 млрдтеңгеге сай еді. Оның ішінде 17,8 млрд теңгеге сай өтініш мақұлданды. 15,8 млрд теңгеге сай өтініш қайта қаржыландырылды.
"Қазкоммерцбанк" АҚ 24 млрд теңге бөлінген. Банкке 26 млрд теңгеге сай өтініш келіп түскен. 24,3 млрдтеңгеге сай өтініштер мақұлданған. Қайта қаржыландырылғаны 14,8 млрд теңге. "Халық банк" АҚ 24 млрд теңге бөлінген. Келіп түскен өтініштер сомасы 17 млрд теңгеге сай. Мақұлданғаны 15 млрд теңгеге сай. 10 млрд теңгеге сәйкес өтініштер қайта қаржыландырылған.
"Альянс банкке" 14 млрд теңге бөлінсе, келіп түскен өтініштер саны 10,7 млрд теңгеге сай. Мақұлданғаны - 10,3 млрд теңге. Қайта қаржыландырылғаны - 10,3 млрд теңге.
Бағдарламаның ипотекалық несие алушылардың төлейтін қарызының пайызын барынша азайтуға бағытталғанын, сонымен қатар, келіп түскен өтініштер мен мақұлданған өтініштердің санын есепке алып отырып, қаржыны игеру мерзімі 2009 жылдың 1-шілдесіне дейін ұзартылды. Осы уақыт аралығында 4 жүйе құраушы банктердегі қайта қаржыландыру процессі аяқталады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.