Санитарлық дәрігерлер "Арселор Миттал" шахтасында еңбек ету жағдайына қойылатын талаптардың орындалмағанын анықтады
Санитарлық дәрігерлер "Арселор Миттал" шахтасында еңбек ету жағдайына қойылатын талаптардың орындалмағанын анықтады
Қарағанды. 22 ақпан. "Қазақстан Бүгін" - Санитарлық дәрігерлер "Арселор Миттал" АҚ қарасты 8 шахтасын тексеріп, онда көмір өндіріс нысандарында еңбек және тұрмыстық қызмет көрсету жағдайына қойылатын талаптардың өрескел бұзылғанын анықтады. Бұл туралы журналистерге облыстық санитарлық эпидемиологиялық бақылау департаментінің бөлім бастығы Николай Кочегаров хабарлады.
Н. Кочегаровтың мәліметтері бойынша, тексеру кезінде "Саран" және "Күзембаев атындағы" шахтасының жұмысшылары су-тұз тепе-теңдігінің бұзылуы кезінде қолданылатын құты немесе термостармен қамтамасыз етілмегендігі анықталды.
""Саран" шахтасындағы көмірді шығарып өндіретін машиналар мен құрал- жабдықтарда, техниканы пайдалануға болмайтын қауіпті жағдайлар қорытындылары көрсетілген тиісті паспорттары жоқ", - деп түсіндірді ол.
"Қазақстан", "Абай", "Ленин " шахталарында тербелмелі құралдармен жұмыс істейтіндердің жылы қол ванналарын пайдаланатын арнайы бөлмесі жоқ. "Адамда саусақтарының ұшы ұйып, сезімталдығы азаяды. Сондықтын бұл процедура оларға қажет", - деп атап өтті Н. Кочегаров.
Сонымен қатар "Абай" шахтасында ингалятор, арнайы киім тазалағыштар, жылдан жылға кеншілерді тізе мен шынтақ қаптарымен қамтамасыз ету мәселесі де шешілмей отыр.
Н. Кочегаровтың мәліметтері бойынша, "Қостенқол" және "Шахтинская" шахталарында жүргізілген жөндеу жұмыстарынан кейін түсіп жатқан құрал- жабдықтар тым шуылды жұмыс істеуде. Бақылау өлшемдері бойынша жалпы дыбыс көлемі белгіленген нормадан 8-31 дицебелге жоғары.
Ол хабарлағанындай, шахталарда таза сүттің орнына сүт концентраты берілуде.
"Кенші оны іші ме, жоқ па бақылау жасау қиын. Ал сүт оған керек. Зиянды өндірісте жұмыс істегеннен соң, ағзадан шлактарды шығару үшін сүт ішу керек", - деп хабарлады бас маман.
Оның сөздері бойынша сондай-ақ арнайы киім-кешек, аяқ киім беру талаптары да орындалмайды. "Оларға берілетін киім бір айға да жетпейді, ал талап бойынша ол киім жарты жылға жету керек. Ал ішкі киім 10 айға кешігіп беріледі. Ал шын мәнінде оларға ай сайын берілуі тиіс", - деді Н. Кочегаров.
Кәсіби ауруларға шалдығу деректері жасырылуда. Мысалы 2007 жылы 67 кәсіби дертке шалдығу оқиғасы ғана тіркелген болса, 1996 жылға дейін бір шахта бойынша тек 56 дерек тіркеліп отырған.
Санитарлық дәрігерлердің мәліметтері бойынша кеншірлердің гигиеналық жағдайлары өте қолайсыз.
Компанияға 78 624 теңге көлемінде айыппұл салынды. "Арселор Миттал"АҚ атқарушы директорына 15 наурызға дейін барлық таап бұзу оқиғаларын жою жөнінде ұйғарым тапсырылды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.