03.03.2008, 17:38 2429

Шағын және орта бизнесті қолдауға бөлінетін мемлекеттік қаржының 61 % сауда саласына бөлінуде - Имрин

Шағын және орта бизнесті қолдауға бөлінетін мемлекеттік қаржының 61 % сауда саласына бөлінуде - Имрин

Астана. 3 наурыз. "Қазақстан Бүгін" - Шағын және орта бизнесті қолдауға бөлінетін мемлекеттік қаржының 61 % сауда саласына кетіп жатыр. Бұл туралы бүгін ҚР премьер-министрі Кәрім Мәсімов пен шағын және орта бизнес өкілдері арасында өткен кеңейтілген кездесуінде "Шағын кәсіпкерлікті дамыту қоры" АҚ басқармасының төрағасы Госман Имрин мәлім етті, деп хабарлайды агенттік тілшісі.

"Егер салаларға қаржы бөлу жайына тоқталсақ, мұнда үлкен мәселе туындап отыр. Өкінішке орай, осы күнге дейін бөлінген қаржының 61 пайызы сауда саласына, делдалдық саласына кетіп, нақты секторға тимейді. Ал ел экономикасын әртатаптандыруға атсалысатын секторларлар мейлінше аз көлемде қаржыландырылады", - деді Г. Имрин.

Басқарма төрағасы айтқанындай, былтыр қаржы екінші деңгейдегі банктер арқылы шағын және орта бизнес жобаларын қаржыландыруға бөлінген 48,8 млрд теңгенің 66% ғана игерілді. "Бүгінде 32 млрд теңгеден аса қаржы шағын және орта бизнеске берілді", - деп атап өтті ол.

Г. Имрин айтқанындай, номиналды ставкасы 18% сәл төмен болса, ККБ ресурстар құны 16 % сәл жоғары, бүгінде ең тиімді пайыз болып отыр". Оның мәліметтері бойынша бір жобаның несиелендіру көлемі 14 млн теңгеден асады.

"Бұл түрлі банктерде 9 млн теңгеден 30 млн теңгеге дейін жетеді", - деп түсіндірді ол.

Төрағаның айтуынша "қаржы игеру жағы барлық банктерде жақсы жолға қойылған" және ол ескерткеніндей, үш айлық қаржы игеру осы жылдың 19 наурызында аяқталады. "Қаржы игеруді толық аяқтап, бұл көрсеткіш бойынша бірінші орында "Банк "ЦентрКредит", кейінгі орында БТА, "Қазком" және "Банк "Каспийский тұр", - деп толықтырды ол.

"Ал "Альянс Банктің" бұл тұрғыдан алғанда жағдайы қиындау және қаржыны игеру қарқындылығы жағынан артта қалып отыр. Үкіметтің шешімімен белгіленген басқа екінші деңгейдегі банктер өзінің міндеттерін толық атқаруда ", - деп есептейді Г. Имрин.

"Ал аймақтарда қаржыны бөлу жағынан да бәрі ойдағыдай. Барлық аймақтар тиісті көлемде қаржылық қолдау алды ", - деп қорытындылады ол.

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны