АСТАНА. 12 - маусым. Kazakhstan Today. Республикалық бюджеттің орындалуын бақылау жөніндегі есеп комитеті үкіметке инвестиция мен шикізат емес тауарларды экспорттаушы ұлттық компанияларға сақтандыру қызметін көрсетудің тиімді тетігін қарастыруды ұсынады. Бұл туралы Kazakhstan Today агенттігінің тілшісіне комитеттің баспасөз қызметінен хабарлады.
Баспасөз қызметінің ақпараттарына сүйенсек, қаржыны тиімсіз пайдалану мен "Экспорттық несиелер мен инвестицияны сақтандыру жөніндегі мемлекеттік сақтандыру корпорациясы" АҚ мемлекеттік активтерді басқару нәтижесінде экономиканың шикіхатқа жатпайтын саласындағы экспортқа бағытталған өндірістерді дамытуға көмектесу жөніндегі тапсырмаларды шешу мақсаттарына толық көлемде қол жеткізілмей отыр. "Экспорттық несиелерге қатысты сақтандырылған жобалар саны жылдан жылға азайып барады",- деп атап көрсетті комитеттегілер.
Атап айтқанда, 2006 жылы мемлекеттік корпорация басқармасының шешімімен мақұлданған 62 жобаның 23 жобасы ғана, немесе мақұлданған жобалардың жалпы санының 37 пайызы сақтандырылған, ал 2004 жылы 49 жобаның 36-сы (74 пайызы) сақтандырылған. Экспорттық несиелер бойынша өткен жылы сақтандырылған жобалардың саны 2005 жылмен салыстырғанда 1,8 есеге азайған. "Мемлекеттік корпорацияны дамытудың 2004-2006 жылдарға арналған жоспарында сақтандырудың жоспарланған көлемі тек 40 пайызға ғана орындалып, 20 млрд теңгені құраған. 2006 жылы инвестиция мен несиелерді сақтандыру бойынша бес жоба "Қазына" Тұрақты даму қоры" АҚ сараптамасына жіберіліп, шешім қабылданбаған",- деп айтылған хабарламада.
Мемлекеттік корпорцияға өткен жылы экспорттық несиелер мен инвестицияларды сақтандырудан 33 млн теңге көлемінде кіріс кірген, ал бос ақшаны мемлекеттік құнды қағаздарға орналастыру мен басқа да қаржы құралдарынан - 518,8 млн табыс тапқан, бұл жалпы кіріс сомасының 94 пайызы.
Сөйтіп, комитет "Қазынаға" Экспорттық несиелер мен инвестицияларды сақтандыру жөніндегі Мемлекеттік сақтандыру корпорациясын дамытудың 2007-2009 жылдарға арналған жоспарына экономиканың шикізатқа жатпайтын саласындағы экспортқа бағытталған өндірістерді нәтижелі дамыту мен ынталандыру үшін өзгертулер енгізуді ұсынады. "Шикізат емес" топқа жататын тауарлар мен қызметтері тізіміне сақтандыру үшін оларды толық қамтуды ескере отырып, өзгертулер мен толықтырулар енгізуді көтеру ұсынылады. "Маркетингтік-талдамалық зерттеулер орталығы" АҚ мен Сақтандыру корпорациясы қазақстандық тауарлар мен қызметтерді экспорттауды дамыту, әлеуетті сату нарығы туралы ақпараттарды тарату мәслелері жөніндегі маркетингтік зерттеулер жүргізуде күштерін біріктіруі керек",- деп көрсетілген ақпаратта.
Сонымен қатар, Мемлекеттік сақтандыру корпорациясы дамыту жоспарында көрсетілген экспорттық несиелер мен инвестицияларды сақтандыру бойынша жоспарланған іс-шараларды орындауды, экспорттық несиелер мен инвестициялар жөніндегі жобаларды сақтандыру туралы шешім қабылдауға дейін зерделеу мен қарастыру сапасын көтеруді ұсынады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шикізат емес тауарларды экспорттаушы ұлттық компанияларға сақтандыру қызметін көрсетудің тиімді тетігін қарастыру қажет - Есеп комитеті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.