Шымкент әкімдігі қорғасын-фосфат қалдықтарды қорыту жұмыстарына шетелдік мамандарды шақырды
Шымкент. 17 қазан. Kazakhstan Today - Шымкент әкімдігі қала іргесіндегі қорғасын-фосфат қалдықтарды қорыту жұмыстарына шетелдік мамандарды шақырды, деп хабарлайды қала әкімдігініӊ ресми сайты.
Бұл туралы жуырда Шымкентке Чили Республикасыныӊ құрметті консулы Леонид Шейнгезихт келген кезде айтылды.
Икімдіктіӊ ақпаратына сәйкес, екі жақты кездесу барысында шетелдік қонақ Чилидіӊ ауыл шаруашылығы, шарап қабылдау, медициналық техниканы өндіру, топырақ ресурстарын және туризмді дамыту, өндіру кезінде пайдаланылатын өӊдеу зауыттарын салу, экономикалық және инвестициялық мүмкіндіктері туралы әӊгімелеп берді.
Сондай-ақ, Қазақстан-Чили арасындағы технология нарығын қолдану жөнінде мысалдар келтірді.
Қала әкімініӊ орынбасары Қайрат Нұртай мен аппарат басшысы Рашид Аюпов Шымкент қаласыныӊ агрорлық саладағы болашақ мүмкіндіктері туралы айтып, ірі кәсіпорындар өз тауарларын экспорттауға қабілетті екендігін тілге тиек етті. Кездесу барысында қала іргесіндегі қорғасын-фосфат қалдықтарды қорыту жұмыстарына шетелдік мамандарды шақырды.
Сонымен қатар, Чили Республикасыныӊ құрметті консулы Леонид Шейнгезихт Шымкент пен Арика қалалары арасында экономикалық ынтымақтастық қарым-қатынасты дамытуға шақырды. Шымкент пен Арика бауырлас қалаға айналмақ.
Бұдан бұрын да хабарлағанымыздай, Оӊтүстік Қазақстан облысыныӊ бұрынғы әкімі Бейбіт Атамқұлов бірыӊғай "Оӊтүстік экспорт" бағдарламасын дайындауға тапсырма берген болатын.
Бұл туралы өӊір басшысы Елбасы тарапынан берілген бірқатар тапсырмалардыӊ орындалу жайы қаралған мәжілісте айтқан еді.
"Оӊтүстіктіӊ тамақ өнеркәсібін дамытудағы әлеуеті артып келеді. Бүгінде Сайрам, Мақтаарал, Сарыағаш аудандары өндірген өнімдерін экспорттап келеді. Осы бағыттағы жұмыстарды жандандыру мақсатында экспортталатын өнімдердіӊ тізбесін жасап, бірыӊғай "Оӊтүстік экспорт" бағдарламасын дайындауды тапсырамын",-деді аймақ басшысы.
Сондай-ақ, облыс әкімі таза өнім экспорттау үшін, өӊірдіӊ өз брендін қалыптастыру қажеттігін атап өтті.
Мәжілісте аймақ басшысы аудан, қала әкімдеріне өз өнімін экспорттауға қауқарлы әрбір тауар өндірушіге барынша қолдау көрсету қажеттігін айтып, ауданда өндірілетін өнімдердіӊ тізбесін жасауды тапсырды.
Бұдан бұрын да хабарлағанымыздай, "KAZNEX INVEST" Экспорт және инвестициялар ұлттық агенттігініӊ Басқарушы директоры Жәліл Болатовтыӊ айтуынша, шикізаттық емес экспортты ілгерілетудіӊ кешенді және басымдықты жүйесін құру бойынша Елбасыныӊ тапсырмасы шеӊберінде мемлекеттік органдар мен бизнес-қауымдастық өкілдерімен бірлесе отырып, Қазақстанныӊ 2020 жылға дейінгі Ұлттық экспорттық стратегиясын әзірлеуге кіріскен. Стратегияны әзірлеудіӊ айрықша өзектілігі жалпы әлемдік саудаға, сондай-ақ Қазақстанныӊ сыртқы сауда қызметіне кері ықпал ететін жаһандық экономикалық және қаржылық мәселелерге дер кезінде жауап қайтару қажеттілігімен байланысты. Осыған орай, ұзақ мерзімді сұранысқа ие экспорттық нарықтарға қатысты елдер арасындағы күшейіп келе жатқан бәсекелестік экспортты ілгерілетудіӊ тиімді жүйесін құруға бағытталған дамудыӊ бірыӊғай ұлттық бағытын қалыптастыруды белгілейді.
Тоқтала кететін жайт, "Қазақстан-2050" Стратегиясыныӊ көрсеткіштеріне сәйкес жалпы экспорт көлеміндегі шикізаттық емес экспорттыӊ үлесі 2025 жылға қарай екі есеге, ал 2040 жылға қарай үш есеге өсуі тиіс. Осыған сәйкес Ұлттық экспорттық стратегияныӊ нысаналы көрсеткіштері анықталды. Осы көрсеткіштерге 2018 жылы экспорт көлемін 120 млрд. долларға дейін арттыру және 2018 жылы жалпы экспорт құрамындағы өӊделген өнімніӊ үлесін 42%-ға (2012 жылғы үлесі 28%) арттыру кіреді. Бұл Қазақстанға әлемдік экспортшылар тізімінде 35 орынға (қазіргі таӊда 43-ші орында) тұрақтауға мүмкіндік береді.
Сонымен қатар, қосымша көрсеткіштер болып келесілер табылады: экспорттыӊ тауарлық және географиялық әртараптылығын кеӊейту, экспортшы компаниялардыӊ саны мен жұмыс орындарын арттыру, "Made in Кazakhstan" брендініӊ танымалдығын арттыру.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.