Шымкент мегаполис атанған соӊ ондағы жалақыны көбейту бастамасын кәсіпорындар қолдай бастады
Қазіргі таӊда зауытта 500-ден астам адам жұмыс істейді. Олардыӊ 80% - жергілікті тұрғындар. Бірінші қыркүйектен бастап олар бұрынғы жалақыдан 30% көп алатын болады.
Шымкент. 8 шілде. Kazakhstan Today - Шымкент мегаполис атанған соӊ ондағы жалақыны көбейту бастамасын алғаш болып "Shymkent Temir" компаниясы қолдады.
"Shymkent Temir" ЖШС - Шымкент мегаполис атанған соӊ жұмысшыларыныӊ жалақысын көтерген қаладағы алғашқы кәсіпорын.
Бүгін Шымкенттіӊ әкімі Ғабидолла Ибдірахымов кәсіпорынды аралады. Ол мекеменіӊ бірінші жетекшісі Руслан Омаровқа жұмысшыларыныӊ жалақысын көтеру бастамасы үшін алғыс айтты.
Қазіргі таӊда зауытта 500-ден астам адам жұмыс істейді. Олардыӊ 80% - жергілікті тұрғындар. Бірінші қыркүйектен бастап олар бұрынғы жалақыдан 30% көп алатын болады.
"Shymkent Temir" ЖШС зауыты - болат блюм шығаратын қазақстандық кәсіпорын. Мұнда жартылай дайын өнімдер 40 тонналық индукциялық пештерде, болатты пештен тыс өӊдеу құрылғысында ж?не үш ағынды үздіксіз құю машиналарында құйылады. Жоба Қазақстан Республикасыныӊ 2015-2019 жылдарға арналған мемлекеттік индустриалды-инновациялық даму бағдарламасы аясында жүзеге асырылуда.
"Оӊтүстік" индустриялық аймағында орналасқан кәсіпорынға әкімдік тарапынан 17 га жер учаскесі бөлінген. Жобаға 5,94 млрд теӊге инвестиция тартылған.
Кәсіпорынныӊ жобалық қуаты - жылына 300 мыӊ тонна құйма түріндегі болат блюм шығару. Олар әрі қарай металлургияныӊ кез келген өнімдерін: арматура, металл құрылымдар және түрлі металл бөлшектер жасауға дайын. Мұнда шығарылған өнім 100% жақын шетелге (Өзбекстан, Орталық Азия) экспортқа шығарылады.
Зауыт аумағында тұйықталған теміржол бар, газ құбыры, электр желісі мен су құбыры тартылған. Осылайша өндіріс алаӊында жобаныӊ толық жүзеге асырылуына бар жағдай жасалған.
Айта кетейік, "Shymkent Temir" ЖШС-де қызметкерлердіӊ біліктілігін арттыру бағытында үнемі жұмыс атқарылады. Кәсіпорын басшылығы зауытқа шетелден тәжірибелі мамандарды тұрақты түрде шақырып, олар зауыт персоналын оқытады және шеберлік сабағын өтіп тұрады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.