ШЫМКЕНТ. 18-қазан. Kazakhstan Today. Шымкенттегі ең ірі жылу электр станциясы - 3-ші Жылу электр орталығы қаланың муниципалдық меншігіне өтті. Бұл туралы бүгін қалалық әкімшіліктегілер құлағдар етті, деп хабарлайды Kazakhstan Today тілшісі.
2004-жылы 3-ші Жылу электр орталығы "Қазақстанның коммуналдық желілері" компаниясына сенімді басқаруға берілген. Икімшіліктің хабарлауынша, осы екі жылда 330 млн. теңгеден астам инвестиция жұмсалды. Алайда, кәсіпорын дағдарыстан шыға алған жоқ. Бұрынғы басшылық жылу бағасын күзде 46,66 теңгеге дейін көтеру де құтқара алмайды деп санайды.
Бұдан бұрын да хабарлағанымыздай, 2003/2004 жылыту маусымы соңғы 10-15 жылда Шымкенттегі ең қолайлы маусым болды. 2002-жылы "Энергоцентр-3" акционерлік қоғамын басқаруға келген Иділхан Арғымбеков берешектердің көлемін қысқартып, жылу беру ісін жолға қоя алды. Ол облыс басшылығының 3-ші Жылу электр орталығын муниципалдық меншіктен "Қазақстанның коммуналдық желілері" компаниясына басқаруға беру жөніндегі идеясына үзілді-кесілді қарсы шыққан болатын. Алайда, 3-ші Жылу электр орталығын құрамына қамтитын "Энергоцентр-3" акционерлік қоғамы бәрібір "Қазақстанның коммуналдық желілері" компаниясының басқаруына өтті. Осыдан кейінгі екі жылда жылумен қамтамасыз ету қызметінің сапасы күрт төмендеп, дебиторлық берешек бес есе артып, 2004-жылғы 187 млн. теңгеден 900 млн. теңгеге жетті.
3-ші Жылу электр орталығы шымкенттік тұтынушылардың 65 процентін қамтамасыз етеді.
2004-жылы "Қазақстанның коммуналдық желілері" компаниясының бір бөлімі - "Оңтүстік жарық" ЖШС де "Түркістанэнерго" АҚ банкрорттыққа ұшырағаннан кейін Шымкенттің аймақтық электр қамтамасыздығы нарығына келді. Сонымен бірге "Қазақстанның коммуналдық желілері" компаниясын құрамына қамтитын "Ордабасы" республикалық корпорациясы сол жылы Шымкенттегі доңғалақ жасау зауытын сатып алды. Корпорация өндірісті іске қоса алған жоқ, қазір кәсіпорын консервацияланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шымкенттегі 3-ші Жылу электр орталығы қаланың муниципалдық меншігіне өтті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.