СҚО-дағы өӊiрлiк Инвесторлар кеӊесiнде 20-дан астам меморандумға қол қойылды
Петропавлда инвесторларды тартуға және өӊiрдегi инвестициялық ахуалды жақсартуға арналған Өӊiрлiк кеӊестiӊ III отырысы өттi. Оған әлемнiӊ 7 елi мен Қазақстанныӊ өӊiрлерiнен 200-дей адам қатысты.
Петропавловск. 25 тамыз. Kazakhstan Today - Петропавлда инвесторларды тартуға және өӊiрдегi инвестициялық ахуалды жақсартуға арналған Өӊiрлiк кеӊестiӊ III отырысы өттi. Оған әлемнiӊ 7 елi мен Қазақстанныӊ өӊiрлерiнен 200-дей адам қатысты.
Өӊiрлiк кеӊестiӊ үшiншi отырысы барысында облыс әкiмi Құмар Ақсақлов соӊғы 5 жылда облыста негiзгi макроэкономикалық көрсеткiштердiӊ тұрақты өсiмi қамтамасыз етiлгенiн атап айтты. Оныӊ iшiнде тартылған инвестициялар көлемi 1,6 есе, өнеркәсiп кәсiпорындары шығарған өнiмнiӊ көлемi 1,5 есе өстi.
"Бiз жоғары бөлiстегi дайын өнiмдердi экспорттау үшiн, өндiрiлген ауыл шаруашылығы өнiмдерiн тереӊдетiп өӊдеуге баса назар аударамыз. Елбасыныӊ белсендi жүргiзген саясатыныӊ арқасында Қазақстанда мнвестиция тарту және кәсiпкерлiк қызметпен айналысу үшiн бiрегей және барынша қолайлы жағдай жасалған", - дедi өӊiр басшысы.
Сол сияқты Құмар Ақсақалов инвестициялық демеуқаржы мен заттай гранттар беру - Солтүстiк Қазақстанда кәсiпкерлер мен инвесторларға жобаларды нәтижелi жүзеге асыруға кепiлдiк беретiндiгiн алға тартты. Инвесторлардыӊ өзектi мәселелерiн жедел шешу және өӊiрдегi инвестициялық саясатты дамытуда тәжiрибемен және пiкiрмен алмасу үшiн осындай отырыстарды тоқсан сайын өткiзу мақсат етiлуде.
Кездесуде облыс әкiмiнiӊ орынбасары Дәурен Жандарбек өӊiрдiӊ инвестициялық ахуалы туралы айтып бердi. Оныӊ айтуынша, жобаларды жүзеге асыру кезiнде 10%-ға дейiн пайыздық ставканы демеуқаржыландыру кiретiн "Бiрыӊғай бағдарлама", "Бизнестiӊ дамуын қолдау", "Жол картасы-2020", аясында бiрқатар мемлекеттiк қолдаулар белсендi қолданылады. Дәурен Жандарбек инвесторлар өӊiрде жұмыс iстеу және жобаларын жүзеге асыру үшiн, оларға облыстыӊ артықшылығы туралы да айтып бердi.
"Облыста пайдалы қазбалардыӊ 200-ден астам кен орны зерттелдi, ҚР балансындағы минералды шикiзаттардыӊ қорынан цирконий 36%-ды, уран 19%-ды, титан 5%-ды құрайды. Алтын, темiр және көмiр кен орындары бос қалып отыр. Бүгiнгi күнi австралиялық "IIuka" компаниясы әрi қарай өӊдеу мүмкiндiгiмен облыстыӊ аумағында титан-цирконий кен орындарыныӊ бар-жоғын геологиялық зерттеуге арналған жұмыс жүргiзуде", - дедi облыс әкiмiнiӊ орынбасары Дәурен Жандарбек.
Өӊiраралық және шекаралық ынтымақтастықты дамыту және өӊiрлiк инвестицияларды тарту туралы Владимир Дудов, Анатолий Башмаков, және Денис Кушнер тiлге тиек еттi.
Ирi қарай Петропавлдағы жобалары туралы "Yan De Rui Gong Mao Co Ltd" компаниясыныӊ бас директоры Baн Тианде сөз қозғады. Ол СҚО-да машина жасау кластерiн жүзеге асырмақ. Петропавл қаласыныӊ әкiмi Марат Тасмағанбетов өз кезегiнде қаланыӊ барлық әлеуметтiк-экономикалық көрсеткiшiн дамыту үшiн үлкен әсер ететiндiгiн растады.
"Бүгiнгi күнi бiрлескен кәсiпорын құрылды, барлық процедуралар өткiзiлдi. Петропавл қаласында өкiлдiк ашылды. Қала әкiмдiгi жер телiмiн бөлiп бередi, алдағы уақытта ол 500 гектарға дейiн ұлғайтылады. Бүгiн қытай компаниясыныӊ өкiлдерi айтқандай, оқу орталығы құрылып, болашақта 3000-ға дейiн жұмыс орны құрылатын болады", - дедi қала әкiмi.
Кездесудiӊ соӊында жалпы сомасы 100 млрд. теӊгеден асатын 20-дан астам меморандумға қол қойылды.
Солтүстiк Қазақстан облысында инвестиция тарту жөнiндегi Өӊiрлiк кеӊес 2016 жылы қаӊтар айында құрылған болатын. Бұл - Мемлекет басшысы Нұрсұлтан Назарбаев құрған, инвестиция тартуға әсер ететiн алғашқы өӊiрлiк алаӊ. Кеӊестiӊ басты мiндетi - облыстыӊ инвестициялық ахуалын жақсарту және тиiмдi, сенiмдi және ұзақмерзiмдi инвестициялық байланыстарды орнату, сол сияқты өӊiрде инвестициялық жобаларды жүзеге асырудыӊ өзектi мәселелерiн шешу.
Кеӊес алаӊдары инвесторлар мен кәсiпкерлерге қызық ұсыныстарды мұқият зерттеуге және бiр-бiрiнiӊ мүмкiндiгiн бағалауға көмектеседi, сол сияқты өнеркәсiптiӊ кенлешегi бар салаларында инвестициялық жобаларды жүзеге асыру үшiн қосымша серпiлiс бередi.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.