Солтүстік Қазақстан облысының Тимирязев ауданында қаржылық бақылау инспекциясы 193 млн астам теңгенің заң бұзушылықтарын анықтады
Солтүстік Қазақстан облысының Тимирязев ауданында қаржылық бақылау инспекциясы 193 млн астам теңгенің заң бұзушылықтарын анықтады
Петропавловск. 1 маусым. Kazakhstan Today - Солтүстік Қазақстан облысының Тимирязев ауданында қаржылық бақылау инспекциясы 193 млн астам теңгенің заң бұзушылықтарын анықтады, деп хабарлайды Kazakhstan Today ҚР Қаржы министрлігінің Солтүстік Қазақстан облыстық қаржылық бақылау және мемлекеттік сатып алулар инспекциясына сілтеме жасап.
Қаржылық бақылау инспекциясының мәліметінше, іс-шаралар жоспарына сәйкес, Тимирязев ауданында 2010 жылдың 1 ақпаны мен 1 наурызы аралығында жергілікті атқарушы билік органдарының бюджеттік және басқа да заңдардың сақталуына кешенді бақылау жүргізілді. Тексеруге аудандық бюджеттен қаржыландырылатын 22 нысан қамтылды, оның ішінде 17 мемлекеттік мекеме және 5 мемлекеттік кәсіпорын бар.
"Анықталған заң бұзушылықтардың жалпы көлемі 193 млн теңгені құрады, соның ішінде қаржылық заң бұзушылықтар - 134 млн теңге, немесе жалпы беті ашылған заң бұзушылықтардың 69,5%-ы. Бюджет заңнамасын бюджетті бекіту, нақтылау және атқару сатыларында бұзу - 23 млн теңге, немесе 12%, мемлекеттік сатып аулар туралы заңнаманы бұзу - 35 млн теңге, немесе 18,5% болды", -деп хабарлайды инспекциядағылар.
Атап айтсақ, "Тимирязев аудандық білім беру бөлімі" МБ-да 88 млн астам теңгенің заң бұзушылықтары анықталды. Мемлекеттік сатып алулар туралы заңнаманы бұзу "Құрылыс бөлімі"МБ, "Тимирязев мектеп-интернаты" МБ, "Тимирязев Мәдениет үйі" МККК -да анықталып отыр.
"Біздің мекеме тексерулер қорытындысы бойынша беті ашылған заң бұзушылықтарды жою және кінәлі лауазым иелерін жауапкершілікке тарту жөнінде таныстырулар жіберілді. Заң бұзушылықтарға жол бергені үшін аудандық бюджеттен қаржыландырылатын ұйымдардың 12 лауазым иесі тәртіптік жауапкершілікке тартылды", - деді қаржылық бақылау инспекциясы төрағасының орынбасары Ақан Сыздық.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.