Созақ ауданында жыл басынан бері 4 млрд. 728 млн. теӊгеніӊ ауыл шаруашылық өнімдері өндірілді
Шымкент. 6 қазан. Kazakhstan Today - Оӊтүстік Қазақстан облысыныӊ Созақ ауданында жыл басынан бері 4 млрд. 728 млн. теӊгеніӊ ауыл шаруашылық өнімдері өндіріліп, жоспар артығымен орындалды,-деп хабарлайды Kazakhstan Today.
Аудан әкімдігі таратқан мәліметке сүйенсек, әсіресе мал шаруашылығында серпіліс бар.
Мәселен, 7 айдағы көрсеткіш бойынша ірі қара мал саны 29045 басқа, қой-ешкі саны 286 604 басқа, жылқы 12419 басқа, түйе 10855 басқа жеткен. Ал, құстар саны 21743 басты құраған.
Жыл басынан бері 70 мыӊ тоннаға жуық ет өндірілсе, 8728,6 тонна сүт алынған. Сонымен қатар 1667,5 мыӊ дана жұмыртқа өндірілген.
Облыс әкімініӊ бастамасымен қабылданған "2014-2016 жылдарға арналған мал шаруашылығын дамыту бағдарламасы" шеӊберінде ауданда ауқымды жұмыстар атқарылуда. Аталған бағдарлама шеӊберінде мал бордақылау алаӊдары мен қосымша жұмыс орындары ашылуда.
Қарақұр ауыл округінен "Қарақұр" Ө/К (түйе) және (қой), Шолаққорған ауыл округінен "Бағдат" ш/қ (түйе), Құмкент ауыл округінен "Құмкент" Ө/К (қой) асыл тұқымды мал шаруашылықтары болып тіркеліп, жұмыс жасауда.
"Сыбаға" бағдарламасы бойынша 2016 жылы 42 бас асыл тұқымды бұқалар сатып алынып - 1538 бас сиыр тұқымдық түрлендірілуге тартылды.
"Алтын асық" бағдарламасы бойынша жоспар 69 бас қошқар сатылып алынып, 2230 бас тұсақ қойлар тұқымдық түрлендіруге тартылды, меже 106 пайыз.
"Құлан" бағдарламасы бойынша жоспар бойынша 300 бас болса, 14 бас айғыр сатылып 303 бас аналық жылқы сатып алынып меже 101,0 пайызға орындалды.
Мал бордақылау алаӊдарын және жанұялық сүт фермасын ашу үшін 2016 жылдыӊ 8 айында барлығы 127 млн. 800 мыӊ теӊге несие алынды. Оныӊ ішінде атап айтар болсақ:
"Ауылшаруашылығын қаржылай қолдау қоры" АҚ-нан мал бордақылау алаӊдарын ашуға 36 жеке кәсіпкер 97 млн. 800 мыӊтеӊге алып, 538 бас мал алған.
"Ырыс" МКҰ" ЖШС-нен есепті мерзімде 6 жобаға 12 млн теӊге несие қаржы алынып 70 бас мал алыған.
Жанұялық сүт фермасын ашуға 18жеке кәсіпкер 12 млн теӊгеге133 бас сауын сиырлар алды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.