Standard&Poor's Қазақстанның кредиттік рейтингін жоғарылатты - баспасөз баяны
Standard&Poor's халықаралық рейтинг агенттігі Қазақстан Республикасының шетел валютасына ұзақ мерзімді суверенді кредиттік рейтингін "ВВВ" деңгейінен "ВВВ+" деңгейіне дейін, шетел валютасына қысқа мерзімді рейтингін "А-3" деңгейінен "А-2" деңгейіне дейін көтерді, қысқа мерзімді рейтинг "ВВВ" деңгейінде расталды, барлық рейтингтер бойынша болжамдар "Тұрақты" деңгейінде сақталды.
Астана. 8-қараша. Kazakhstan Today - Standard&Poor's Қазақстанның кредиттік рейтингін жоғарылатты, деп хабарлайды Kazakhstan Today агенттігінің тілшісі.
Standard&Poor's халықаралық рейтинг агенттігі Қазақстан Республикасының шетел валютасына ұзақ мерзімді суверенді кредиттік рейтингін "ВВВ" деңгейінен "ВВВ+" деңгейіне дейін, шетел валютасына қысқа мерзімді рейтингін "А-3" деңгейінен "А-2" деңгейіне дейін көтерді, қысқа мерзімді рейтинг "ВВВ" деңгейінде расталды, барлық рейтингтер бойынша болжамдар "Тұрақты" деңгейінде сақталды.
Қазақстанның шетел валютасына ұзақ мерзімді суверенді кредиттік рейтингісінің "ВВВ" деңгейінен "ВВВ+" деңгейіне дейін жетуі ел тарихында алғаш рет орын алып отыр.
Осылайша, Қазақстан Республикасы ТМД елдері ішінде Standard&Poor's-шетел валютасы рейтингі бойынша алғашқы орынды иелене отырып, "ВВВ" рейтингісінде орналасқан (Ресей, Болгария, Литва, Бахрейн, Перу, Мексика) елдерінен алға шығып, "ВВВ+" рейтингісінде орналасқан Ирландия, ОңтүстікАфрика, Таиланд елдерімен қатарласты.
Шетелдік валюта бойынша ұзақ мерзімді рейтингте Малайзия, Польша және Ботсвана ("А-") тәрізді елдер Қазақстаннан жоғары орналасқанын атап өткен жөн.
Standard&Poor's пікірі бойынша шетелдік валюта рейтингісінің жоғарылауы профицит салдарынан фискалды және сыртқы икемділігінің жақсаруын, мұнай өндірісінің ұлғаюы мен оған бағалардың өсуінен қарқынды экономикалық өсімді, пруденциалды фискалдық саясатты және тікелей шетелдік инвестициялардың тұрақты жоғарғы ағымын көрсетеді. Сонымен қатар, рейтинг елдің тұрақты қаржы және сыртқы балансының, табиғи ресурстардың үлкен қоры мен тікелей сыртқы инвестициялардың циклдық емес ағымының нәтижесінде тұрақталып отыр.
Осымен бірге, рейтингті баяулататын факторлар ретінде шектелген ақша икемділігі мен 2011 жылы ЖІӨ жан басына шаққандағы 11000 АҚШ доллары көрсеткішінің болжамымен экономика дамуының бір қалыпты деңгейі белгіленген.
Рейтингтің "Тұрақты" болжамы Standard&Poor's талдаушыларының қуат көздеріне бағаның жоғары болуы және мемлекеттік шығыстар өсуге ынталандырады және Қазақстанның фискалды және сыртқы ұстанымдарын сақтайды деген болжамын көрсетіп отыр
ҚР ЭДСМ елдің суверенді кредиттік рейтингінің жоғарылауын оның бәсекеге қабілеттілігі мен Қазақстан Республикасы Үкіметінің несиеге қабілеттілігін тура бағалаудағы оң өзгеріс деп санайды. Кредиттік рейтингтің жақсаруы, ең алдымен, мемлекеттің әлемдік аренадағы беделіне әсер етеді, сондай-ақ, мемлекеттің әлемдік нарықтағы бәсекеге қабілеттілігін күшейте отырып елге шетелден тартылатын қаржыға ставкалардың көлемін төмендету мүмкіндігі, қазақстандық бағалы қағаздар құнының әлеуетті артуы, әлемдік қаржы нарықтарына қол жетімділіктің кеңеюі, әлеуетті инвесторлардың базасы мен олардың географиясын әртараптандыру түрінде артықшылықтар береді.
Егеменді рейтингтер оның юрисдикциясы шеңберінде қолданылатын барлық басқа эмитенттердің рейтингісі анықталатын белгілі бір "жоғарғы шегі" болып табылады. Елдің егеменді кредиттік рейтингін арттыру елдегі барлық компаниялар-резиденттердің рейтингілері өсу үшін және олар үшін халықаралық қарыздар бойынша пайыздық ставкалардың төмендеуі үшін мүмкіндіктер ашады.
Экономикалық даму және сауда министрлігінің баспасөз қызметі
8 7172 74 30 84, 74 38 52
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.