"Startup "Bolashak" стартап-жобалар байқауыныӊ жүлде қоры 25 млн. теӊгені құрайды
"Болашақ" қауымдастығы жаӊа бастап жатқан кәсіпкерлерге арналған республикалық стартап-жобалар байқауын бастады, оныӊ мақсаты - жас қазақстандықтардыӊ кәсіпкерлік бастамаларын кеӊінен қолдау болып табылады
Астана. 20 Шілде. Kazakhstan Today - "Болашақ" қауымдастығы жаӊа бастап жатқан кәсіпкерлерге арналған республикалық стартап-жобалар байқауын бастады, оныӊ мақсаты - жас қазақстандықтардыӊ кәсіпкерлік бастамаларын кеӊінен қолдау болып табылады, деп хабарлайды Kazakhstan Today агенттігініӊ тілшісі.
Байқаудыӊ бас серіктесі - Сбербанктіӊ Қазақстандағы Еншілес банкі.
Байқауға Қазақстанныӊ 18-29 жас аралығындағы барлық жас кәсіпкерлері қатыса алады. Стартап-жобалар байқауы "Болашақ" қауымдастығыныӊ 3 грантын көздейді, I орын - 7 млн. теӊге, II орын - 5 млн. теӊге және ІІІ орын - 3 млн. теӊге, сондай-ақ 10 млн. теӊге - "BI Group" холдингінен гранттар. Мұнымен қоса, байқауға қатысушылар инвесторлар тарапынан қаржылық қолдауға ие болып, "Даму" қорыныӊ құралдарын пайдалану арқылы төмен пайызбен несие, сондай-ақ Технологиялық даму жөніндегі ұлттық агенттігініӊ инновациялық гранттарын алу мүмкіндігіне қол жеткізе алады.
Илеуметтік инвесторлар ретінде өз қатысуын "BI Group" холдингініӊ басшысы Айдын Рахымбаев, "Atasu Group of Companies" ЖШС бас директоры Марат Жұман, "Sheberbuild" ЖШС-ніӊ қадағалау кеӊесініӊ төрағасы Ералы Сауранбаев растады.
Байқауға қатысуға өтінімдер қабылдау 20 қыркүйекке дейін "Бәйтерек" холдингініӊ барлық өӊірлік кәсіпкерлерге қызмет көрсету орталықтарында қабылданады. Жеӊімпаздардыӊ аты-жөні 21 қарашада бизнес-жоспарлар марафонында белгілі болады.
"Startup "Bolashak" байқауы екі кезеӊнен тұрады. Бірінші кезеӊде қазылар алқасы 20 барынша қызықты бизнес-жобаларды таӊдайды. Аталған идеялардыӊ авторлары тренингтер мен білім беру семинарларынан өтеді. Екінші кезеӊде комиссия 10 үздік жоба кеӊесшілер мен кәсіби менторлардыӊ қолдауымен бизнес-жоспарларды әзірлеуге кіріседі.
"Startup "Bolashak" байқауы барысын республикалық телеарналардыӊ бірінен бақылауға болады, онда жобаны реалити-шоу форматында көрсету жоспарлануда.
"Болашақ" байқауыныӊ стартап-жобалар байқауы жастардыӊ бизнес саласындағы бастамаларын қолдау құралдарыныӊ бірі ретінде Елбасыныӊ "100 нақты қадам" ұлттық жоспарын іске асыруға бағытталған.
"Жастарымызға, егер сізде қызықты бизнес-идея мен табысты бизнесмен болуға құштарлық болса, онда "Startup "Bolashak" байқауына қатысыӊыз деп айтқым келеді. Бұл - жаӊа бастап келе жатқан кәсіпкерлер үшін өз жобасын ілгерілетуі, нақты бизнес-жоспар жасауы, инвесторлармен кездесуі және еӊ бастысы старттық капиталды алуы үшін шынайы мүмкіндік", - деп қорытындылады "Болашақ" қауымдастығы кеӊесініӊ төрағасы Қуандық Бишімбаев.
Байқаудыӊ серіктестері мен ұйымдастырушылары: "Болашақ" қауымдастығы, "Бәйтерек" холдингі, "Даму" қоры, "ТДЖҰА" АҚ, "Сбербанк" АҚ ЕБ, "BI Group" холдингі, "Atasu Group of Companies" пен "Sheberbuild" компаниялары және Астана қаласыныӊ әкімдігі.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.