Сыбайлас жемқорлыққа қарсы қызметтің алдын алу құралдары арқылы елдің "жауапты" қаржы саясатын құру
Мемлекеттік аудит құқық бұзушылықтардың алдын алуға бағытталған, соның есебінен аудит нысандарының қаржылық тәртібі арта түседі".
Алматы. 17 қыркүйек. Kazakhstan Today - Ағымдағы жылдың 16 қыркүйегінде Сыбайлас жемқорлыққа қарсы іс-қимыл агенттігі ҚР Қаржы министрлігі Ішкі мемлекеттік аудит комитетінің қызметіндегі жемқорлық тәуекелдеріне сыртқы талдау жүргізе бастады.
Талдау бастау алған арнайы кеңесті аша отырып, Комитет төрағасы Б.Т. Нәжімиденов Комитеттің ағымдағы қызметімен таныстырды. Сондай-ақ жетілдірудің құқықтық, ұйымдастырушылық жолдарын атап өтіп, жемқорлық тәуекелдерін анықтау мен жою мәселелері бойынша бірлескен жемісті ынтымақтастыққа үміт білдірді.
"…қашықтықтан тексеру әдістері енгізілді, бұл мемлекеттік сатып алу саласындағы бұзушылықтарды 38%-дан 2%-ға дейін төмендетуге мүмкіндік берген камералдық бақылау.
Биыл біз электрондық мемлекеттік аудиттің функционалын іске асырамыз. Аталмыш аудит те аудиторлардың нысандармен байланысын барынша азайтады, осылайша жемқорлық тәуекелдерін қысқартады.
Мемлекеттік аудит құқық бұзушылықтардың алдын алуға бағытталған, соның есебінен аудит нысандарының қаржылық тәртібі арта түседі".
Агенттіктің Превенция департаменті басшысының орынбасары Т.С. Темірәлиев Комитет басшылығы мен қызметкерлеріне жұмыс тобының құрамын таныстырып, сыбайлас жемқорлық тәуекелдеріне сыртқы талдау жүргізу рәсімімен таныстырды.
Сондай-ақ, бүгінгі күннің өзекті мәселелері мен оларды шешу жолдары алдын ала талқыланды.
"…Аудитті жүргізу әдістемесі бойынша сұрақтар бар, оның қорытындысы сотқа дейінгі тергеп-тексеруді бастау үшін негіздердің бірі болып табылады. Аудитке аса көп уақыт, адами ресурстардың күші жұмсалады. Алайда, кейіннен, әдеттегідей, сот сараптамалары өзге нәтижелер береді…", - деп атап өтті Т. Темірәлиев.
Жалпы талдау барысында нысанның құқықтық қоры мен ұйымдастыру-басқару қызметін егжей-тегжейлі зерделеу жоспарлануда. Ішкі мемлекеттік аудит органдарының бақылау-қадағалау және рұқсат беру функцияларын іске асыру үдерістері тәуекел нысанына алынған. Қорытынды бойынша қызметтің тиімділігін арттыру, бизнес-процестерді трансформациялау және сыбайлас жемқорлық тәуекелдерін жою бойынша нақты ұсынымдар енгізіледі.
Талдау жүргізуге жұртшылықтың кеңінен қатысуы оң қабылданады.
Жоғарыда аталған Комитеттің құзыретіне кіретін әкімшілік тосқауылдар, сондай-ақ сыбайлас жемқорлыққа әсер ететін себептер мен жағдайлар туралы мәліметтерді [email protected] электрондық мекен-жайына жіберулеріңізді сұраймыз.
Бұл ақпарат сыбайлас жемқорлық тәуекелдерін жою бойынша ұсынымдар әзірлеу үшін пайдаланылатын болады.
Егер сізге сыбайлас жемқорлық жағдайлары туралы белгілі болса, 24/7 режимінде 1424 call-орталығына хабарласа аласыз.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.