Табыс салығыныӊ орнына бөлшек салығы енгізілуі мүмкін
Астана. 20 Қазан. Kazakhstan Today - Бүгін кәсіпкерлікті қолдау жөніндегі Республикалық қоғамдық кеӊестіӊ кезекті отырысы болып өтті. Шара барысында бөлшек салықты енгізу жобасы талқыланды, деп хабарлады "Нұр Отан" партиясыныӊ ресми сайты, деп хабарлайды Kazakhstan Today агенттігініӊ тілшісі.
Атап айтқанда, Кеӊес мүшесі Олжас Құдайбергенов қосылған құн салығы мен корпоративті табыс салығыныӊ орнына бөлшек салығын енгізуді ұсынды. Яғни, егер табыс қолма-қол ақша тәсілімен алынса, салық мөлшерлемесі 12%, қолма-қол ақшасыз тәсілімен алынса, мөлшерлеме 7%, ал табыс онлайн дүкендер арқылы алынса, 5% ды құрайды, деп хабарлайды strategy2050.kz тілшісі.
Отырыс барысында әлемдік экономикадағы түбегейлі жағымсыз өзгерістердіӊ талдауы ЖЭС принциптеріне өту және оларды қолданысқа енгізу арқылы қайта өзгертулер мен реформалар енгізу қажеттігін анық көрсетті деген ойлар айтылды. Қазіргі уақытта Елбасы, партия Төрағасы Н.И.Назарбаевтыӊ тапсырмасы бойынша Үкіметпен қазақстандық кәсіпкерлікке жан-жақты қолдау көрсету жөніндегі ауқымды жұмыстар жасалды. Бизнес үшін жаӊа қолайлы жағдай жасау жөніндегі тәсілдердіӊ өзгеруі жиі орын алуда. Осы мәселелерді зерттеу орын алған себептерді қайта ойластыруға назар аударып, экономикалық өсімді қамтамасыз ету жөніндегі ұсыныстарды әзірлеуді талап етеді. Бұл жерде шағын және орта бизнес пен оныӊ әлеуетін арттыру мәселесі айрықша орынға ие,сондай-ақ оныӊ ел дамуына қосатын үлесін арттыру басты ішкі және сыртқы макроэкономикалық факторларға тәкелей тәуелді болып келеді.
"Еркін теӊге бағамына өту және ол туралы шешім қабылдау бағамныӊ нарықтыӊ сұранысы мен ұсынысы негізінде құралу тәсілдерінен шыққан. Үкімет құрылымдық реформаларды қарқынды жүргізіп келеді, алайда ШОБ-тыӊ қазіргі хал-жағдайы мен экономикалық алғышарттар қолданылатын шаралардыӊ мұқият талданып, өзгертілуін талап етеді", - деп атап өтті Кеӊес төрайымы Айгүл Соловьева отырыс барысында сөйлеген сөзінде.
Ұсынылып отырған салық режимі жеке тұлғалардыӊ тапқан табыстарына, жекелеген саудамен айналысатын кәсіпорындарға, қоғамдық тамақтану мен қызмет көрсету саласына таралады.
Бөлшек салығын енгізу елдегі қолма-қол ақша көлемініӊ ауқымын азайтуға мүмкіндік береді, тұрғындардыӊ қаржыларын банк секторына қосымша тартады, көлеӊкелі бизнестіӊ мөлшерін айтарлықтай азайтады, бұл өз кезегінде бюджеттегі салықтық түсімге жақсы әсерін тигізеді. Жалпы Кеӊес мүшелері бөлшек салығын енгізуді қолдады, сонымен бірге оны іске асырудыӊ механизмін егжей-тегжейлі пысықтау ұсынылды.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.