Таяу болашақта Қазақстанда инфляциялық қысым өспейді деп күтілуде - Сәйденов
Таяу болашақта Қазақстанда инфляциялық қысым өспейді деп күтілуде - Сәйденов
Астана. 13 қаңтар. "Қазақстан Бүгін" - Таяу болашақта Қазақстанда инфляциялық қысым өспейді деп күтілуде. Бұл туралы бүгін өткен үкіметтің отырысында ҚР Ұлттық банкінің басшысы Инуар Сәйденов мәлім етті, деп хабарлайды агенттік тілшісі.
"Инфляцияны тежеуге қосымша шаралар қолдану талап етілмейді, өйткені, таяу болашақта Қазақстанда инфляциялық қысым өспейді деп күтілуде", - деді И. Сәйденов.
Осыған байланысты ол Ұлттық банктің 2009 және 2010 жылдарға арналған басты мақсаты - елдің қаржы секторының тұрақтылығын қамтамасыз ету болмақ деп атап өтті.
"Бұл міндет ақша-қарыз саясатын жұмсартуды меңзейді. Біз банктерге қысқа мерзімді қолма-қол ақша беру саясатын одан әрі жалғастырамыз, кепілдіктің тізімін одан әрі кеңейту, кепілсіз несие беру және банктерде Ұлттық банктің және активтерін өзіміз басқаратын ұйымдардың депозиттерін орналастыру мәселелерін қарастыратын боламыз", - деді банк басшысы.
"Кепілдік берілген міндеттемелер жүйесін жасап енгізу олардың арасындағы сенімсіздік дәрежесін төмендетуге, банкаралық нарық арқылы ресурстарды тарату және қысқа мерзімді құралдардың ақша нарығындағы операцияларға қол жеткізуді іске асыруғк септігін тигізеді", - деді И. Сәйденов.
Оның айтуынша, Ұлттық банктің ақша ұсынысының көлемін ұлғайтуға ниеті жоқ.
"Екінші деңгейлі банктердің операцияларының көлемі әр банктің жеке капиталы көлемінің 50%-ыанн аспайды", - деді Ұлттық банк басшысы.
"Сонымен бірге, дағдарысқа қарсы бағдарламаны жүзеге асыру іс-шараларының жоспары аясында Ұлттық банк өз күш-жігерін төлем балансын бағалау мен оған мониторинг жүргізуге, Ұлттық қордан несие алуға қолдау көрсетуге және мүдделі жақтардың сауда-саттығы жөніндегі ақпараттардың ашықтығын арттыруға, сондай-ақ, акционерлік қоғамдардың қаржылық есебінің ашықтығын көтеруге бағыттайтын болады. Аталған барлық бағыттар бойынша Ұлттық банк бірлескен іс-қимыл жоспарының мақсаттарына қол жеткізу үшін мемлекеттік органдармен, даму институттарымен ықпалдастық орнатады", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.