Тамыз айында азық-түлік бағасы 12,8 пайызға өскен
2011 жылғы тамызда азық-түлік тауарларының бағасы 2010 жылғы тамызбен салыстырғанда 12,8%-ға өскен.
Алматы. 1-қыркүйек. Kazakhstan Today - Тамыз айында азық-түлік бағасы 12,8 пайызға өскен, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлуынша, 2011 жылғы тамызда азық-түлік тауарларының бағасы 2010 жылғы тамызбен салыстырғанда 12,8%-ға өскен.
"2011 жылғы тамызда 2010 жылғы тиісті аймен салыстырғанда баға жармаға 2,2 есе, май және тоң майға - 22,8%, ұнға - 22,6%, қантқа - 19,2%, сүт өнімдеріне - 11,3%, жемістер мен көкөністерге - 10,8%, макарон өнімдеріне - 10,5%, кондитерлік өнімдерге - 8,3%, кофе, шай және какаоға - 7,8%, алкогольді ішімдіктерге - 5%, нанға - 4,9%-ға өсті", - делінген хабарламада.
Баспасөз қызметі атап өткендей, аталған кезеңде ет және ет өнімдері бағасының өсімі 17,4% құрады. Қой етіне баға деңгейі 23,8%, жылқы етіне - 13,3%, шұжық өнімдеріне - 10,6%, құс етіне - 7,3%, шошқа етіне - 6,8%-ға жоғарылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.