Тасымалдаушылардың 75% ілеспе құжаттарда жалған мәліметтерді мәлімдейді
Аталған бақылау түрі аясында 2019 жылдың басынан бері салмағы 2 844 тонна қара металл сынықтары мен қалдықтарын әкетудің 283 фактісі, салмағы 185,5 тонна макулатураны әкетудің 24 фактісі, салмағы 1 062 тонна мұнай өнімдерін әкетудің 623 фактісі, 50 тонна мал терісін әкетудің 4 фактісі, 225 текше метр көлемінде ағаш материалдарын әкетудің 37 фактісі анықталды
Нұр-Сұлтан. 2 қараша. Kazakhstan Today - Тасымалдаушылардың 75% ілеспе құжаттарда жалған мәліметтерді мәлімдейді.
Шекара арқылы өткізілген тексерілген 428 автокөлік құралдарының ішінен 319 жағдайда (75%) құжаттардағы мәліметтердің нақты тасымалданатын тауарларға сәйкессіздігі анықталған. ҚР ҚМ Мемлекеттік кірістер комитеті төрағасының орынбасары Жайдар Іңкәрбаев анықталған фактілер бойынша 16,1 млн. теңге айыппұл салынды деп хабарлады.
Экспорттық бақылау тыйым салулар мен шектеулердің сақталуын бақылау мақсатында Қазақстанның ЕАЭО елдерімен мемлекеттік шекарасында жүзеге асырылады.
Аталған бақылау түрі аясында 2019 жылдың басынан бері салмағы 2 844 тонна қара металл сынықтары мен қалдықтарын әкетудің 283 фактісі, салмағы 185,5 тонна макулатураны әкетудің 24 фактісі, салмағы 1 062 тонна мұнай өнімдерін әкетудің 623 фактісі, 50 тонна мал терісін әкетудің 4 фактісі, 225 текше метр көлемінде ағаш материалдарын әкетудің 37 фактісі анықталды, деп атап өтті МКК төрағасының орынбасары.Рұқсат беру құжатынсыз шекара арқылы өткізуге жол бермеу үшін қосарлы мақсаттағы тауарларға қатысты бақылау жүргізіледі.
Ағымдағы жылдың 9 айында "Метиодиэтаноламин" тауарын алып өтуге 49 әрекет, әскери үлгідегі қару үшін патрондарды алып өтуге 2 факті анықталды.
Ресей Федерациясынан және Қырғыз Республикасынан Қазақстан Республикасының аумағына өткізілетін тауарларға қатысты бақылау іс-шараларын жүргізу шеңберінде салық төлеуден жалтару схемалары анықталады.Қазіргі уақытта 252 салық төлеуші бойынша тауарларды әкелудің 601 фактісі анықталды, олар бастапқыда транзиттік өткізуге мәлімделді, алайда Қазақстан аумағында қалды. Осы тауарлар бойынша айналым 4,7 млрд. теңгені құрады, шығын сомасы 574,6 млн.теңгені құрады, деп хабарлады Ж. Іңкәрбаев.
Шекарадан өту кезінде салық төлеуден жалтару және тыйым салынған заттарды алып өту фактілерінің жолын кесу жөніндегі жұмыс жетілдіріледі, оның ішінде мемлекеттік кіріс органдарына қосымша құзырет беру бөлігінде заңнамалық түзетулер қабылдау есебінен жетілдіріледі.
Осылайша, бүгінгі күні Мемлекеттік кірістер органдарының елдің экономикалық қауіпсіздігін қамтамасыз ету және сыртқы экономикалық қызметке адал қатысушылар үшін жағдай жасау бойынша қойылған міндеттерді жоспарлы түрде атқаратындығын Жайдар Іңкәрбаев хабарлады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.