Тәжікстан жаз маусымында Қазақстанға 2,5 млрд кВт-сағатқа дейін электр қуатын экспорттай алады - премьер
Тәжікстан жыл сайын жаз маусымында Қазақстанға 2,5 млрд кВт-сағатқа дейін электр қуатын экспорттай алады. Бұл туралы бүгін Тәжікстан премьер-министрі Акил Акилов республика үкімет басшысы Кәрім Мәсімовпен кездесуден кейін өткен брифингте мәлім етті.
"ҚАЗАҚСТАН БҮГІН". 24 тамыз. АСТАНА. Тәжікстан жыл сайын жаз маусымында Қазақстанға 2,5 млрд кВт-сағатқа дейін электр қуатын экспорттай алады. Бұл туралы бүгін Тәжікстан премьер-министрі Акил Акилов республика үкімет басшысы Кәрім Мәсімовпен кездесуден кейін өткен брифингте мәлім етті, деп хабарлайды агенттік тілшісі.
"Бүгін біз Кәрім Мәсімовпен кездесуде Қазақстанды электр қуатымен қамтамасыз етуде Тәжікстанның әлеуетін пайдалану мәселесін талқыладық. Сангтудин 1- СЭС пайдалануға берілгеннен кейін біз жаз маусымында Қазақстанға 2,5 млрд кВт-сағатқа дейін электр қуатын экспорттау мүмкіндігіне ие боламыз", - деді А.Акилов.
"Ол үшін біз Тәжікстанның оңтүстігі мен солтүстігін қосатын ЛЭП-500 Электр жалғастыру желісін тарта бастадық, алдағы уақытта ол желіні Қазақстанның оңтүстігімен қосып, ол арқылы кедергісіз тоқ жіберуді жоспарлап отырмыз", - деді ол.
Бұған қоса тәжік үкімет басшысының пайымдауынша, оның елі Қазақстан нарығын өз өнімдерімен қамтамасыз ете алар еді. "Біз Астанадағы ауылшаруашылығы жәрмеңкесіне 600 тоннадан астам ауылшаруашылығы өнімдерін әкелдік, бұл алдағы уақытта да Тәжікстанда өсірілген өніммен Қазақстан нарығын қамтамасыз етуге мүмкіндік береді деп ойлаймын", - деді А. Акилов.
Оның айтуынша, К. Мәсімовпен кездесуде Тәжікстан аумағында бірлескен кәсіпорындар құру және республикаға Қазақстан инвестициясын әкелу мәселелері де қозғалды. "Елімізде қорғасын-күміс концентратын шығаратын Адрасман тау-кен байыту комбинаты бар, оның акцияларына 100% қазақстандық инвесторлар иелік етеді", - деп еске салды А. Акилов (Тәжікстанның Согдий облысындағы Адрасман кен байыту комбинатын Kazinvest mineral компаниясы 3,5 млн долларға сатып алған).
Өз кезегінде Қазақстан премьер-министрі "Тәжікстанның республикаға Қазақстан инвестициясының келуі үшін жан-жақты қолдау көрсетіп отырғанын" атап өтті.
"Адрасман тау-кен байыту комбинатының жұмысы - осы процесстің жақсы бастамасы", - деп санайды үкімет басшысы. К. Мәсімов, сондай-ақ, "екі ел арасындағы өзара сауда-саттық деңгейі өсе түсуде, интеграция тереңдеп келеді және бұл қуанарлық жайт", деп атап өтті.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.