TeliaSonera өзінің Kcell-дегі үлесін арттыру бойынша мәміленің бірінші сатысын аяқтады
"TeliaSonera компаниясы өзінің Kcell сауда белгісімен ұялы байланыс нарығында қызмет атқаратын "GSM Қазақстан" ЖШС-дегі үлесін арттыру бойынша мәміленің бірінші сатысын аяқтады. Естеріңізге сала кетсек, TeliaSonera Kcell-дегі 49 пайыз үлесті "Қазақтелеком" АҚ-нан сатып алған болатын", деп хабарлады компанияның баспасөз қызметінен.
Алматы. 2-ақпан. Kazakhstan Today - TeliaSonera компаниясы өзінің Kcell сауда белгісімен ұялы байланыс нарығында қызмет атқаратын "GSM Қазақстан" ЖШС-дегі үлесін арттыру бойынша мәміленің бірінші сатысын аяқтады, деп хабарлайды Kazakhstan Today агенттігінің тілшісі.
"TeliaSonera компаниясы өзінің Kcell сауда белгісімен ұялы байланыс нарығында қызмет атқаратын "GSM Қазақстан" ЖШС-дегі үлесін арттыру бойынша мәміленің бірінші сатысын аяқтады. Естеріңізге сала кетсек, TeliaSonera Kcell-дегі 49 пайыз үлесті "Қазақтелеком" АҚ-нан сатып алған болатын", деп хабарлады компанияның баспасөз қызметінен.
Баспасөз қызметінің ақпараттарына сүйенсек, "реттеуші органдар мәмілені бекіткеннен кейін, TeliaSonera "Қазақтелеком" АҚ-ның Kcell-дегі үлесін 1,519 миллиард АҚШ долларына сатып алды. TeliaSonera сондай-ақ тараптардың белгілі бір шарттарды орындаған жағдайында қор нарығында алғаш орналастыру (IPO) жолымен 25 пайыз минус бір акция көлеміндегі топтаманы сатуға міндеттелді. Акцияларды алғаш орналастыруға дайындық басталды, ол 2012 жылы өткізіледі деп күтілуде. Қор нарығында алғаш орналастырылғаннан кейін акция құнының қалай қалыптасатынына байланысты TeliaSonera, "Қазақтелеком" АҚ пайдасына қосымша төлем жасауы мүмкін".
"GSM Қазақстан" ЖШС-гі мәміленің бірінші сатысы бекітілгеннен кейін Fintur Holdings-ке (үлесі 51%) және TeliaSonera-ға (үлесі 49%) тиесілі болады. Fintur Holdings B.V., өз кезегінде, TeliaSonera (үлесі 58,55%) және Turkcell (41,45%) қарамағында. Мәміленің екі сатысы да аяқталғаннан кейін TeliaSonera-ның Kcell-дегі іс жүзіндегі қатысу үлесі 61,74% құрайды.
Алдыңғы мәлімдемелер 2011 жылдың 21 қыркүйегінде және 22 желтоқсанында таратылған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.