The Rompetrol Group Венгрия мен Болгариядағы ұңғымаларға қызмет көрсетуді бастады
"The Rompetrol Group өзінің еншілес Rompetrol Well Services (RWS) компаниясы арқылы Венгрия мен Болгарияның нарығына шықты. Бұл елдерде компания құны 800 мың АҚШ долларынан асып жығылатын келісім шарт негізінде скважиналарғы қызмет көрсетеді",- деп айтылған таратылған хабарламада.
Астана. 15-желтоқсан. Kazakhstan Today - The Rompetrol Group ("ҚазМұнайГаз" ҰК 100 % еншілес компаниясы) Венгрия мен Болгариядағы ұңғымаларға қызмет көрсетуді бастады, деп хабарлайды Kazakhstan Today агенттігінің тілшісі.
"The Rompetrol Group өзінің еншілес Rompetrol Well Services (RWS) компаниясы арқылы Венгрия мен Болгарияның нарығына шықты. Бұл елдерде компания құны 800 мың АҚШ долларынан асып жығылатын келісім шарт негізінде скважиналарғы қызмет көрсетеді",- деп айтылған таратылған хабарламада.
Қара теңіз өңірін дамыту әлеуеті Болгарияның солтүстік - батыс бөлігінде табиғи газдың дәлелденген қорларын, Украинаның шығыс бөлігінде, тіпті Венгрияның шығыс бөлігінде көмірсутектерінің ресурстарын, сондай-ақ энергияның балама көзі ретінде геотермалдық су пайдаланудың жоғары әлеуетін көрсетеді.
Rompetrol Well Services орташа мерзімді жоспар ұсынылатын қызметтер түрлерін кеңейтуді қарастырады және осы қалып алынған бай тәжірибеге негізделеді және Румыния аумағында компаниялардың операциялық базалар желісімен, сондай-ақ ең аз шығындармен көршілес елдерде күштер, жабдықтар мен қызметкерлерді жылдам ұтқырландыру қасиеттерінен демеу алады, - деді Rompetrol Well Services Бас директоры Адриан Стэнеску.
Ағымдағы жылдың қазан айынан бастап компания румыния мен Қазақстанда жобаларды іске асыру барысында жинақталған геотермалдық ұңғымаларда өзінің жұмыс тәжірибесін пайдаланып, Венгрияда Мишколок (Miskolocs) және Мако (Mako) тұрғылықты тармақтарының жанында екі геотермалдық ұңғымалар бекіту мен цементтеуді бастады.
Болгарияда Плевен қаласының жанында RWS тым терең ұңғымада (3 000 метр) жұмыс істейді. Осы жобада Румыния мамандары да қатысады.
2011 жылғы қаңтар-қыркүйекте Rompetrol Well Services (RWS) компаниясы өзінің жиынтық табысын 17% ұлғайтты. 2010 жылдың балама кезеңімен салыстырғанда, табыстар 19,4 млн. АҚШ долл-нан 22,7 млн. АҚШ долл-на дейін ұлғаяды. Көрсетілген кезең ішінде таза табыс шамамен 3,4 млн. АҚШ долл. құрады. Ағымдағы жыл ішінде компания жоспары жалпы табыс деңгейінде 30 млн. АҚШ долл-на жетуді көздейді, бұл 2010 жылмен салыстырғанда 13% артық. Биылғы жылы RWS инвестициялық бағдарламасы бойынша 4 млн. АҚШ долл. игерілді.
Rompetrol Well Services компаниясы 1951 жылы құрылды. Қазіргі уақытта қызметкерлер саны Румынияда 330 қызметкерді және Қазақстанда еншілес компаниясында 18 адамды құрайды. Компания жұмыстарының портфелі Ирак, Иордания, Греция және Түркия елдерін құрайды. 2000 жылы компания The Rompetrol Group құрамына кіреді, оған акциялардың 71,73% мажоритарлық пакеті тиесілі.
"ҚазМұнайГаз" Ұлттық компаниясы" АҚ - Қазақстанның мұнай-газ саласындағы мемлекеттің мүдделерін білдіретін көмірсутегілерін барлау, өндіру, өңдеу және тасымалдау, жөніндегі қазақстандық ұлттық оператор. "ҚазМұнайГаз" ҰК АҚ акцияларының 100%-і "Самұрық-Қазына" ұлттық әл-ауқат қоры" АҚ-қа тиесілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.