Транстелеком Астана ЭКСПО-2017 ресми серіктесі атанды
Астана ЭКСПО-2017" ұлттық компаниясы АҚ және "Транстелеком" АҚ серіктестік меморандуына қол қойды. Ендігі "Транстелеком" компаниясы - "Көрме серіктесі" мәртебесіне ие
Астана. 10 ақпан. Kazakhstan Today - "Астана ЭКСПО-2017" ұлттық компаниясы АҚ және "Транстелеком" АҚ серіктестік меморандуына қол қойды. Ендігі "Транстелеком" компаниясы - "Көрме серіктесі" мәртебесіне ие, деп хабарлайды Kazakhstan Today агенттігініӊ тілшісі.
"Транстелеком" - еліміздіӊ ірі ІТ және байланыс операторларыныӊ бірі. Ол телекоммуникация, ақпараттық коммуникация саласында кеӊ ауқымды қызмет көрсете алатын бірегей компания, сондай-ақ ІТ интегратор болып табылады.
"Қазақстандық компанияныӊ инновациялық жобаларды сәтті жүзеге асырып жатқандығын көру көӊіл қуантады. Транстелекомніӊ ауқымды филиалдық жүйесі бар, бұл бүкіл Қазақстан көлемінде ЭКСПО көрмесін кеӊ тарауына ықпал етеді. Сондықтан біздіӊ жобамызға Транстелеком сынды алдыӊғы қатарлы компаниялардыӊ қатысуы еліміздіӊ болашаққа деген сенімін нығайтып, Елбасы тапсырмасыныӊ орындалуын қамтамасыз етеді" - деді өз сөзінде Ахметжан Есімов.
"Халықаралық мамандандырылған ЭКСПО-2017 көрмесініӊ ресми "ІТ серіктесі" болу "Транстелеком" үшін үлкен мәртебе. Илбетте, ЭКСПО-2017 Қазақстан үшін маӊызды шаралардыӊ бірі. Бүгінгі таӊда "Транстелеком" АҚ "Астана ЭКСПО-2017" ұлттық компаниясымен бірлесіп жұмыс істеуде. Біз іс-шараныӊ мәні мен маӊызы түсіне отырып, оған үлкен жауапкершілікпен қараймыз", - деді компания Президенті Дәурен Пішембаев.
Алдағы уақытта "Астана ЭКСПО-2017" ұлттық компаниясы "Транстелеком" АҚ халықаралық көрмені өткізу бағытында бірлескен іс-шаралар өткізетін болады.
Сондай-ақ, "Транстелеком" АҚ ЭКСПО-2017 көрмесі барысында "Ұйымдастырушылар кеӊсесін" телефония мен интернетпен қамтамасыз етіп, шетелдік қатысушылар үшін VPN қолжетімділігін техникалық тұрғыдан жағдай жасап, көрме қонақтарына бүкіл көрме өтетін кезеӊ барысында интернет желісін ұсынатын болды.
Айта кету керек, көрмені өткізуге 10-нан аса ірі компания тартылып отыр. Олардыӊ қатарында: NCOC, Shell, Samsung, Эйр Астана, CISCO, Saint-Gobain, "Қазкоммерцбанк" АҚ, "Самрұқ Энерго" АҚ, "Қазпочта" АҚ және т.б. бар. Осы бағытта жұмыстар жалғасуда.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.