"Тұрғын үй құрылыс жинақбанкініӊ" 200 мыӊға тарта салымшысы өтемақыдан қағылуы мүмкін
Астана. 4 сәуір. Kazakhstan Today - Бүгінгі күні "Тұрғын үй құрылыс жинақ банкі" бойынша өтемақы төлеуге жататын 110 мыӊға жуық салымшымен қосымша келісімшартқа қол қойды. Бұл өтемақы төлеуге жататын депозиттердіӊ 20 пайызын ғана құрайды. Мұндай қарқынмен 200 мыӊға тарта салымшы банкпен арадағы қосымша келісімшарттар жасау мерзіміне үлгермеуі мүмкін, деп хабарлайды Kazakhstan Today агенттігініӊ тілшісі.
Еске сала кетейік, банкпен салымшылар арасында өтемақы бойынша қосымша келісімшарттар жасасу 2016 жылдыӊ 8 ақпанынан басталған болатын. Осы үдеріске берілген 114 күнтізбелік күнді есепке алғанда күн сайын орта есеппен 4096 қосымша келісімшарттар жасалуы керек болатын. Алайда, бүгінгі күні қабылданып жатқан өтінімдердіӊ орташа саны екі жарым мыӊнан аспайды, деп хабарлайды банктіӊ баспасөз қызметі.
"Тұрғын үй құрылысжинақ банкімен" қосымша келісімшарттар жасау мерзімі 2016 жылдыӊ 1 маусымында аяқталатынын ескерсек, онда жоспарланған келісімшарттардыӊ тек жартысына ғана қол қойылуы мүмкін", - делінген баспасөз баянында.
Атап айтқанда, Қарағанды облысы бойынша өтемақы төлеуге жататын 31 433 депозиттердіӊ 5970-іне ғана қосымша келісімшарттар жасалған. Ақтөбе облысында - 32 490 салымшыныӊ 7843-і, Атырау облысында - 17 479 салымшыныӊ 3070-і, Алматы қаласында - 56 295 салымшыныӊ 13 188-і, Астана қаласында - 62 049 салымшыныӊ 18 160-ы ғана қосымша келісімшарттар жасасқан.
"Егер депозиттер сомасына шаға қарастырсақ, 1 млн. теӊгеге жетпейтін 352 860 және 1 млн. теӊгеден жоғары 26 515 салым бойынша келісімшарттар жасалмай отыр. Осылайша, бүгінгі таӊда өтемақы мақсатында бөлінген 21 млрд теӊгеден астам сомаға сұраным болмауы мүмкін. "Тұрғын үй құрылыс жинақ банкі" бастапқы кезден 467 мыӊ келісімшарт бойынша өтемақы төленетінін жариялаған болатын. Оныӊ ішінде салым мөлшері 1 млн. теӊгеден асатын салымшылар да қамтылған еді. Өтемақы төлеуге жататын салым сомасы қазіргі күні 153,1 млрд теӊгені құрап отыр. Осыған байланысты салымшылар белгіленген мерзім ішінде банкпен қосымша келісімшарттар жасап үлгеруі керек. Бұл ретте процедураны онлайн-режимде электрондық-цифрлық қолтаӊбаны пайдалана отырып жүзеге асыруға болады (www.egov.kz немесе банктіӊ ресми сайты www.hcsbk.kz)", делінген баспасөз баянында.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.