Тұрғын үй құрылысы жөніндегі мемлекеттік бағдарламаны жүзеге асыру көрсеткіштері позитивті - ҚР Индустрия және сауда министрлігі
Тұрғын үй құрылысы жөніндегі мемлекеттік бағдарламаны жүзеге асыру көрсеткіштері позитивті.
Астана. 17 қыркүйек. ""Қазақстан Бүгін" - ҚР Индустрия және сауда министрлігі тұрғын үй құрылысы жөніндегі мемлекеттік бағдарламаны жүзеге асыру көрсеткіштері позитивті деп бағалайды. Бұл туралы бүгін үкіметте өткен селекторлық жиын барысында нндустрия және сауда министрі Ғалым Оразбақов мәлімдеді.
"Мемлекеттік бағдарламаның жүзеге асырылу жайын тұтастай талдайтын болсақ, оң көрсеткішті байқаймыз", - деді Ғ. Оразбақов.
Атап айтсақ, министрдің мәліметінше, мемлекеттік бағдарламаны жүзеге асыру аясында ағымдағы жылдың қаңтар-тамыз айларында бағдарламаны қаржыландырудың барлық көздері бойынша 5,1 млн шаршы метр баспана пайдалануға берілді, бұл өткен жылғы осы мерзіммен салыстырғанда 1,5 есе артық. "Республикалық бюджеттен бөлінетін мақсатты трансферттер есебінен бағдарлама жүзеге асырыла бастаған сәттен бері болжам 388 мың шаршы метр, немесе, 4800 пәтер болғанына қарамастан, 456,7 мың шаршы метр, немесе 5500 пәтер салынған. Соның ішінде ағымдағы жылдың қаңтар айында коммуналдық баспанадан жалпы 62 мың шаршы метр, немесе, 819 пәтер, яғни, өткен жылғы осы мерзіммен салыстырғанда 113% болды", -деді министр.
Оның хабарлауынша, Алматы мен еліміздің 10 облысында ағымдағы жылға арналған пайдалануға берілуге тиіс коммуналдық баспананың көлемі асыра орындалды. "Басқа өңірлерде осындай баспананы пайдалануға беру аяқталып келеді. Мемлекеттік бағдарлама жүзеге асырыла бастаған сәттен бері 1 қыркүйек тегі жағдаймен барлық қаржыландыру көздері бойынша 16,3 млн шаршы метр тұрғын үй пайдалануға берілді, ал жоспар - үш жылда 15,8 шаршы метр баспана салу болған", - деді министр. Оның айтуынша, "жылдың аяғына дейін тағы да 1,7 млн шаршы метр бьаспана пайдалануға беріледі деп болжанған".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.