Тұрғын үй жинақ банкі 5% жылдық мөлшерлемемен қарыз беруді ұсынуда
Тұрғын үй жинақ банкі 5% жылдық мөлшерлемемен қарыз беруді ұсынуда. Бұл туралы "Қазақстанның Тұрғын үй құрылыс жинақ банкі" АҚ өкілдерінің және риэлторлық компаниялардың қатысуымен өткен конференцияда мәлім болды.
Алматы. 24 шілде. Kazakhstan today. Тұрғын үй жинақ банкі 5% жылдық мөлшерлемемен қарыз беруді ұсынуда. Бұл туралы "Қазақстанның Тұрғын үй құрылыс жинақ банкі" АҚ өкілдерінің және риэлторлық компаниялардың қатысуымен өткен конференцияда мәлім болды.
"Бізде тұрғын үй құрылыс жинақ банкінің қолжетімді қарызы бар, ол үшін белгілі қарыз алатын уақытты күтіп сарылудың қажеті жоқ. Сіздің қолыңызда салымның 50 пайызы болса, 3 жыл немесе 5 жыл күтудің қажет жоқ. Мәселен, егер адам 10 000 000 тұратын мүлік сатып алғысы келсе оның 50 пайызын енгізу қажет. Демек, алдын ала салым 50 пайызды құрап отыр. Бұл орайда салымшы депозитке 5 000 000 салса банк қалған соманы толықтырады. Біз бірінші салымды қолға беріп 10 000 000 сомасында 8,5 % жыл сайынғы қойылым есептелетін болады. Бұл пайыз алғашқы 3 жыл бойы сақталатын болады. Демек, біз оған жылдық 8,5% пайыз көрсеткішпен қарыз береміз. Депозитке салған 5 млн-ға 2% жылдық жеңілдік пайызы және + 20% мемлекеттік сыйлық қосылады", - деп таныстырылымда айтылды.
Айта кетерлігі, қарыз беру және қарастыру уақыты 3 жұмыс күнін құрайды. Сондай-ақ, тіркеу үшін кепіл беру арқылы қарыз беру де қарастырылады. Сондай-ақ, қарыз беру сату - сатып алу күні жүзеге аса алады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.