Түркияныӊ Ыстамбұл қаласында ОҚО-ныӊ инвестициялық мүмкіндіктері таныстырылды
Оӊтүстік Қазақстан облысыныӊ өндірісі мен өнеркәсіп саласына шетел инвесторларын тарту мақсатында және өӊірде өндірілетін өнімдерді сыртқы нарыққа шығару үшін облыс әкімі Жансейіт Түймебаев бастаған оӊтүстікқазақстандық делегация Түркия мемлекетінде жұмыс сапарымен болды.
Шымкент. 30 мамыр. Kazakhstan Today - Оӊтүстік Қазақстан облысыныӊ өндірісі мен өнеркәсіп саласына шетел инвесторларын тарту мақсатында және өӊірде өндірілетін өнімдерді сыртқы нарыққа шығару үшін облыс әкімі Жансейіт Түймебаев бастаған оӊтүстікқазақстандық делегация Түркия мемлекетінде жұмыс сапарымен болды.
Сапары барысында аймақ басшысы іскер топ мүшелерімен бірге Түркия елініӊ Ыстамбұл қаласында болып, бірқатар өндіріс орындарын аралап, жетекші кәсіпорын басшыларымен кездесу өткізді.
Сонымен қатар облыс әкімі Ж.Түймебаев бастаған топ Түркия мемлекетініӊ бұрынғы президенті Абдулла Гүлмен кездесті. Иӊгіме барысында Жансейіт Қансейітұлы екі ел арасындағы бауырластық байланыстарды нығайтудағы еӊбегін жоғары бағалайтынын айтты.
Бұдан бөлек, делегация 750 гектар аумақта орналасқан "Икителли" индустриялық аймағыныӊ жұмысымен танысты. Аталған аймақта шағын және орта 30 мыӊнан астам кәсіпорын сәтті жұмыс істеп келеді. Оларда 300 мыӊдай жұмысшы еӊбек етеді. "Икителли" Түркиядағы еӊ үлкен индустриялық аймақ. Инвестициялық мүмкіндіктері мен өндірістік, экспорттық әлеуетімен және жұмыспен қамтуымен бұл аймақ экономиканыӊ дамуына үлес қосып келеді. Бұл аймақ заманауи кешендегі өндіріс және сауда қалашығы болып табылады.
Бауырлас екі елдіӊ іскер топ өкілдері мен сарапшы мамандары бас қосқан жиында қос елдіӊ сауда-экономикалық әлеуетін арттыру мәселелері кеӊінен талқыланып, екі жақ өзара тәжірибе алмасып, әріптестік байланыстарын нығайтуға уағдаласты.
Басқосуда облыстыӊ әлеуметтік-экономикалық ахуалы мен инвестициялық мүмкіндіктерін кеӊінен таныстырған Жансейіт Түймебаев бүгінгі таӊда Оӊтүстік жерінде индустриалды-инновациялық бағдарлама аясында 1 арнайы экономикалық және 11 индустриялық аймақ жұмыс істеп жатқанын мәлім етті.
"Бізде индустриалды аймақ өӊірдегі барлық ауданда құрылған. Онда шетелдік инвесторлар үшін барлық жағдай қарастырылған. Біз үшін өндіріс саласында Түріктіӊ озық технологиясы мен мамандардыӊ біліктілігін арттыру бағытындағы іс-тәжірибесі аса маӊызды",-деді облыс әкімі.
Өз кезегінде түркиялық кәсіпкерлер Қазақстанныӊ жүргізіп отырған инвестициялық саясатын оӊ бағалап, екіжақты қарым-қатынасты арттыру қажеттігіне назар аударды.
- Біздіӊ өндірістік аймақта орын тепкен бірқатар кәсіпорын басшыларымен бірігіп, алдағы шілде айында Қазақстанға жұмыс сапармен баруды жоспарлап отырмыз. Оныӊ аясында қазақстандық кәсіпкерлермен кездесіп, өзара іскерлік байланыстарды тереӊдетпекпіз. Түркия мен Қазақстанныӊ сауда-экономикалық әлеуеті өте зор. Бұл мүмкіндіктерді қос елдіӊ іскер топ өкілдері тиімді пайдалануы тиіс деп есептеймін,-дейді Түркиядағы "Эскоп" өндірістік аймағыныӊ төрағасы Юсуф Ақгюн.
Түркия Қазақстанныӊ саяси және экономикалық тұрғыдағы еӊ жақын және сенімді серіктесіне айналғанын айтқан "Бас текстиль" ЖШС директоры Талғат Ысқақов тоқыма өнеркәсібі жолға қойылған Түркия елінен үйренеріміз көп екенін және осы сапардыӊ жемісті боларына сенім білдірді.
Жалпы Оӊтүсік Қазақстан - инвесторлар үшін тартымды өӊір. Мәселен мұнда еліміз бойынша жалғыз "Қазақ-түрік" индустриалды аймағы жұмыс істейді. Бүгінде аталған аймақта бауырлас елмен бірлескен құны 25 млрд теӊгені құрайтын 6 инвестициялық жоба жүзеге асырылуда. Нәтижесінде 900 жаӊа жұмыс орны ашылады деп күтілуде. Аталған жобалар кезеӊ-кезеӊімен 2020 жылға дейін іске қосылатын болады.
Қазақстан мен Түркия елдерініӊ арасындағы тауар айналым бүгінде 2 млрд АҚШ доллар шамасында болса, алдағы уақытта бұл көрсеткішті 5 млрд долларға жеткізу көзделуде. Бұл жөнінде дипломатиялық байланыстыӊ 25 жылдығы аясында қос мемлекеттіӊ көшбасшылары өткен жылы Астана қаласында болған кездесуде айтқан болатын.
Түркия негізінен Қазақстанға тоқыма және тамақ өнеркәсібі мен құрал-саймандар импорттаса, олар Қазақстанныӊ мұнайы мен металдарына, химия өнеркәсібі өнімдеріне ерекше қызығушылық танытып отыр, деп хабарлайды ОҚО әкімініӊ баспасөз қызметі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.