Түркістан облысы бойынша Мемлекеттік кірістер департаментініӊ басшысы алғашқы жартыжылдықты қорытындылады
Мысалы, облыстағы 190 қонақ үйден небәрі 68 млн. теӊге салық түссе, 436 кәсіпкер салықты жасырып отыр. Өӊір тұрғындарыныӊ көлік салығынан қарызы 1 млрд. теӊгеге жеткен. Бұл - ойланарлық жағдай. Департамент басшысы көптеген мәселерді атап өтті. Олардыӊ бәрін бақылауда ұстап, жұмысты ширатқан жөн , - деді Жансейіт Түймебаев.
Түркістан. 27 шілде. Kazakhstan Today - Түркістан қаласындағы Қ.А.Яссауи атындағы ХҚТУ-да Түркістан облысыныӊ әкімі Жансейіт Түймебаевтыӊ төрағалығымен жиын өтті. МәжілістеТүркістан облысы бойынша Мемлекеттік кірістер департаментініӊ басшысы Илібек Тілегенов алғашқы жартыжылдықты қорытындылап баяндама жасады.
Оныӊ айтуынша, "көлеӊкелі экономикамен" күресуде нәтижелі жұмыс бар. Ағымдағы жылдыӊ алғашқы 6 айы бойынша мемлекеттік бюджет жоспары 103% орындалып, нақты 151 млрд. теӊге өндірілген. Облыстыӊ сыртқы сауда айналымы 1 млрд. 249 млн. АҚШ долларын құрап, өткен жылдыӊ осы кезеӊімен салыстырғанда тауар айналымы 322 млн. АҚШ долларына немесе 35 пайызға ұлғайған. Жергілікті атқарушы және құзіретті органдармен бірлесе атқарған жұмыстардыӊ нәтижесінде жыл басынан бюджетке қосымша анықталған ішкі резервтер есебінен жалпы 13,2 млрд. теӊге өндірілді. Сондай-ақ, департамент басшысы И.Тілегенов қосымша кіріс көздерін анықтау жұмыстары жүргізілсе, салық салу базасын кеӊейтуге мүмкіндіктер бар екендігін нақты дәлелдермен баяндап өтті. Атап айтқанда сауда орындары мен салтанат сарайларыныӊ (тойханалар) салықты уақтылы әрі заӊға сәйкес төлеуін қадағалаған жөн. Мәселен, салық төлеуден "Алатау", "Сұлтан" және басқа да салтанат сарайларынан кемшіліктер анықталып отыр. Ірі демалыс орындары да заӊнан аттап өтіп, небір қулықтарға барып жатыр. Аудан, қалалар аумағында жергілікті бюджет есебінен жаӊартылған немесе жаӊадан тартылған газ, су желілерініӊ уақтылы тиісті шаруашылық субъектілерініӊ баланстарына өткізілмеу салдарынан да мүлік және жер салықтарын жоғалтуда. Осы және өзге де жұмыстарды баяндаған департамент басшысы заӊсыздықтармен күресу бағытындағы іс-шаралар жалғасатынын айтты.
Облыс әкімі Жансейіт Түймебаев салық және бюджетке түсетін басқа да төлемдердіӊ мемлекет бюджетіне толық және уақытылы түсуі мемлекетіміздіӊ экономикалық дамуына, қауіпсіздігін қамтамасыз етуде және халқымыздыӊ әлеуметтік жағдайын жақсартуда маӊызы жоғары екенін айтты. Салықты уақтылы жинау, "көлеӊкелі экономикамен" күрес жүргізу жөнінде тиісті уәкілетті және атқарушы органдарға нақты тапсырмалар берді.
- Түркістан облысы бюджетініӊ 80 пайызы дотация арқылы келеді. Біз дотацияны азайту мақсатында салықты уақытылы төлеуіміз керек. Кәсіпкерлер табысын жасырмай, салығын заӊға сәйкес төлеп, жанашырлық танытулары тиіс. Мысалы, облыстағы 190 қонақ үйден небәрі 68 млн. теӊге салық түссе, 436 кәсіпкер салықты жасырып отыр. Өӊір тұрғындарыныӊ көлік салығынан қарызы 1 млрд. теӊгеге жеткен. Бұл - ойланарлық жағдай. Департамент басшысы көптеген мәселерді атап өтті. Олардыӊ бәрін бақылауда ұстап, жұмысты ширатқан жөн , - деді Жансейіт Түймебаев.
Түркістан облысы әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.