Түркістан облысында Индустрияландыру картасы аясында 2018 жылы 18,2 млрд. теӊгеге 10 жоба іске қосылды
Өткен жылы облыстағы өнеркәсіп өнімініӊ көлемі 439,1 млрд. теӊгені құрады. Соныӊ ішінде, өӊдеу өнеркәсібінде 236,9 млрд. теӊгеге өнім өндірілген.
Түркістан. 24 қаӊтар. Kazakhstan Today - Түркістан облысында өткен жылдыӊ қорытындысымен әлеуметтік-экономикалық көрсеткіштердіӊ өсімі жоғары деӊгейде сақталды. Жалпы, өӊірлік өнім көлемі 2018 жылдыӊ қаӊтар-қыркүйегінде 1 трлн. 103,9 млрд. теӊге сомасында қалыптасса, 2017 жылдыӊ тиісті кезеӊімен салыстырғанда 3,9 пайызға артқан.
Индустрияландыру картасы аясында 2018 жылы 18,2 млрд. теӊгеге 10 жоба іске қосылды. Атап айтсақ, "Green technology industries" ЖШС (Ордабасы ауданы) ПЭТ қалдықтарын өӊдеу және шпательді талшықтар өндірісі. Қазіргі уақытта жобаныӊ I кезеӊі - іске қосылып отыр. Сондай-ақ, "Golden Camel Group LTD" ЖШС (Түркістан қаласы) өнімділігі 1,5 мыӊ тонна түйе мен бие сүтін өӊдейтін кәсіпорын жобасы, ИКК "Асылтұқымды шаруашылық, Ордабасы ешкі сүт өнімдері" Сүт-тауар фермасы базасында ешкі сүтін қайта өӊдеу зауыты, "Бадам өнімдері" ЖШС (Ордабасы ауданы) күйдірілген қыш өндіру зауыты, "Балмұздақ" ЖШС (Төлеби ауданы) Шоколадты глазурь және шоколадты конфет өндірісі, "Бәйтерек ББМ" ЖШС (Шардара ауданы) Балық өӊдеу зауыты, "ТМстрой21" ЖШС (Келес ауданы) Жіп өӊдеу зауыты, "Бирлик-4" ЖШС (Сайрам ауданы) Ауыл шаруашылығы өнімдерін өӊдейтін цехы, "Асыл-бастау.kz" ЖШС (Қазығұрт ауданы) Майсыз сүт ұнтағы мен майын шығаратын зауыты, "Минеральная вода Арыс" ЖШС (Арыс қаласы) Минералды бөтелкеленген және алкогольсіз сусындардыӊ өндірісі.
Өткен жылы облыстағы өнеркәсіп өнімініӊ көлемі 439,1 млрд. теӊгені құрады. Соныӊ ішінде, өӊдеу өнеркәсібінде 236,9 млрд. теӊгеге өнім өндірілген. Тиісінше 2017 жылмен салыстырғанда өсім 100,7 пайызды құрап отыр. Ал, өӊдеу өнеркәсібінде тамақ өнімдерін өндіру - 3,6 пайызға, жеӊіл өнеркәсібі - 6,3 пайызға, химиялық өнімдер - 7 пайызға, фармацевтикалық өнімдер - 4 пайызға, электр жабдықтарын жасау - 7,3 пайызға өскен.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.