Тұтынушылардың жоғары сұранысы Қазақстан экономикасы өсуінің негізгі факторына айналды
"Қазақстандық экспорттық өнімге сұраныстың азаюы жағдайында экономика өсуінің негізгі факторы тұтынушылардың жоғары сұранысы және елімізде байқалған инвестициялық белсенділіктің жандануы болды", - деді Экономика және бюджеттік жоспарлау министрі Ерболат Досаев Парламент Мәжілісіндегі Үкіметтік сағатта сөйлеген сөзінде.
Астана. 4-наурыз. Kazakhstan Today - Өткен жылы Қазақстан экономикасының өсу факторлары тұтынушылардың жоғары сұранысы және ел ішіндегі инвестициялық белсенділіктің жандануы болды, деп хабарлайды Kazakhstan Today агенттігінің тілшісі.
"Қазақстандық экспорттық өнімге сұраныстың азаюы жағдайында экономика өсуінің негізгі факторы тұтынушылардың жоғары сұранысы және елімізде байқалған инвестициялық белсенділіктің жандануы болды", - деді Экономика және бюджеттік жоспарлау министрі Ерболат Досаев Парламент Мәжілісіндегі Үкіметтік сағатта сөйлеген сөзінде.
ЭБЖМ мәліметі бойынша негізгі капиталға құйылған инвестиция көлемі 3,8 %-ға өсті, құрылыс өсуінің қарқыны 2,9%-ды құрады.
"Илемдік экономиканың баяу өсуі жағдайында өсу қарқыны жоспарланған мөлшерлерден біраз төмен болды. Оның негізігі себебі сыртқы сұраныстың қысқаруы, сонымен қатар өсімдік шаруашылығындағы жалпы өнім өндірісінің 27,7%-ға азаюы және мұнай шығарудың 81 млн теңге жоспары кезінде 79,2 млн тоннаға дейін төмендеуі болды",- деп жалғастырды Экономика министрлігінің басшысы.
Е.Досаевтың айтуынша, тауар өндіру саласындағы жоғары емес қарқындар қызмет көрсету саласымен теңгерілген. Осылайша, көліктік қызмет көрсетулер 7,2%-ға, байланыс қызмет көрсетулері 9,6% артқан. Көтерме және бөлшек сауданың өсуі 14,6%-ды құрады.
Жалпы алғанда 2012 жылы әлемдік сұраныстың баяулауына қарамастан еліміздің сыртқы сауда айналымы 9,8%-ға артты.
Өткен жылдың сәйкес мерзіміне тауар экспорты 5,3%-ға, импорт - 20,2%-ға өскен.
Естеріңізге сала кетейік, 2012 жылы ІЖӨ-нің нақты өсуі 5%-ды құрады.
"Сонымен қатар, әлемдік экономикадағы жағдайды талдау көрсеткендей, бірқатар мәселелерді шешуде ілгерілеуге қарамастан қазіргі тенденцияны кез-келген уақытта бұза алатын жүйелі қатерлер сақталуда", - деп атап өтті министр өз баяндамасында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.